Ezekiel 15
Lamentations « Ezekiel 14 ‹ Ezekiel 15 › Ezekiel 16 » Daniel
ԱՌԱԿ ՄԸ ՈՐԹԱՏՈՒՆԿԻՆ ՄԱՍԻՆ
1Տէրը խօսեցաւ՝՝ ինծի՝ ըսելով.
2«Մարդո՛ւ որդի, որթատունկին փայտը ի՞նչ առաւելութիւն ունի ուրիշ որեւէ փայտէ, Այսինքն բարունակը՝ որ անտառի ծառերուն մէջ է։
3Միթէ ան իբր փայտ կը ստացուի՞, գործ մը կատարելու համար. Կամ թէ անկէ սեպ 1կը շինուի՞՝՝, անկէ առարկայ մը կախելու համար։
4Ահա՛ կրակի մէջ կը նետուի՝ անոր ճարակ ըլլալու համար. Կրակը անոր երկու ծայրերը կը սպառէ, Ու մէջտեղը հրաբորբոք կ’ըլլայ։ Միթէ ան գործի մը 2օգտակա՞ր է՝՝։
5Ահա՛ ան լման եղած ատենը անով ո՛չ մէկ գործ կը կատարուէր. Ա՛լ ի՞նչպէս անով որեւէ գործ պիտի կատարուի, Երբ կրակը զայն սպառէ եւ 3այրէ։
6Հետեւաբար Տէրը՝ Եհովան սա՛ կը յայտարարէ. “Անտառին փայտերուն մէջ ինչպէս է որթատունկին փայտը՝ Որ կրակին տուի ճարակի համար, Այնպէս ալ Երուսաղէմի բնակիչները տուի։
7Իմ երեսս անոնց դէմ պիտի 4ուղղեմ. Անոնք մէկ կրակէն պիտի ազատին, Բայց ուրիշ կրակ մը զանոնք պիտի սպառէ։ Երբ իմ երեսս անոնց դէմ ուղղեմ, Պիտի գիտնաք թէ ե՛ս եմ Տէրը.
8Իրենց ըրած ուխտազանցութեան համար Երկիրը ամայի պիտի դարձնեմ”, Կը պատգամէ Տէրը՝ Եհովան»։