Ezekiel 19
Lamentations « Ezekiel 18 ‹ Ezekiel 19 › Ezekiel 20 » Daniel
ՏՐՏՄՈՒԹԵԱՆ ԵՐԳ ՄԸ
1Իսկ դուն ո՛ղբ բարձրացուր Իսրայէլի իշխաններուն վրայ,
2եւ ըսէ՛. «Ի՞նչ է քու մայրդ — մատակ առիւծ մը, Որ առիւծներու մէջ կը պառկի Եւ իր ձագերը կորիւններու մէջ կը մեծցնէ։
3Ան իր ձագերէն մէկը մեծցուց, Որ կորիւն եղաւ, Որս բզքտել սորվեցաւ, ու մարդ լափեց։
4Իր մասին ազգերը լսեցին, Անոնց փոսին մէջ բռնուեցաւ, Եւ քիթին օղակ մը անցընելով զինք Եգիպտոսի երկիրը տարին։
5Երբ 1մայրը տեսաւ թէ պարապ տեղը սպասած է ու յոյսը 2կտրած է, Իր ձագերէն ուրիշ մը առաւ, Եւ զայն կորիւն ըրաւ։
6Ան առիւծներու մէջ շրջող կորիւն մը եղաւ, Որս բզքտել սորվեցաւ ու մարդ լափեց։
7Անոնց դղեակները 3քանդեց, Անոնց քաղաքները աւերեց. Անոր մռնչիւնին ձայնէն Երկիրը 4իր բնակիչներէն՝՝ ամայացաւ։
8Շրջակայ գաւառներէն ազգեր անոր դէմ 5շարուեցան, Իրենց ցանցը տարածեցին անոր վրայ. Անոնց փոսին մէջ բռնուեցաւ։
9Քիթին օղակ մը անցընելով վանդակի մէջ դրին, Ու զայն Բաբելոնի թագաւորին տարին. Զինք բերդը դրին, Որպէսզի իր ձայնը անգա՛մ մըն ալ Իսրայէլի լեռներուն վրայ չլսուի։
10Քու մայրդ քու նմանութեամբդ՝ ջուրերու քով տնկուած որթատունկի պէս է, Որ յորդառատ ջուրերու պատճառով՝ պտղատու ոստերով լեցուեցաւ։
11Ան զօրաւոր 6շառաւիղներ ունեցաւ՝ կառավարիչներու մականներուն համար։ Իր հասակը տերեւախիտ ճիւղերուն մէջէն բարձրացաւ, Եւ իր բարձրութեամբն ու ոստերուն առատութեամբ երեւցաւ։
12Բայց ցասումով խլուեցաւ եւ գետինը ձգուեցաւ, Արեւելեան հովը անոր պտուղը չորցուց. Անոր զօրաւոր շառաւիղները կոտրեցան ու չորցան, Եւ զանոնք կրակը սպառեց։
13Հիմա անապատը տնկուած է, Անջրդի ու ծարաւուտ երկրի մը մէջ։
14Անոր բարունակներուն մէկ շառաւիղէն կրակ ելաւ, Եւ անոր պտուղը սպառեց. Անոր վրայ զօրաւոր շառաւիղ չմնաց՝ կառավարիչի մականի համար։ Ասիկա ողբ մըն է, եւ իբր 7ողբերգ պիտի գործածուի՝՝»։