Ezekiel 20

Lamentations  «  Ezekiel 19  ‹  Ezekiel 20  ›  Ezekiel 21  »  Daniel

ԱՍՏՈՒԾՈՅ ԿԱՄՔԸ ԵՒ ՄԱՐԴՈՒՆ ՄԵՐԺՈՒՄԸ

¹Եօթներորդ տարին, հինգերորդ ամսուան տասներորդ օրը, Տէրոջ խորհուրդ հարցնելու համար Իսրայէլի երէցներէն մարդիկ եկան եւ իմ առջեւս նստան։

Ուստի ²Տէրը խօսեցաւ՝՝ ինծի՝ ըսելով.

«Մարդո՛ւ որդի, խօսէ՛ Իսրայէլի երէցներուն հետ եւ ըսէ՛ անոնց. “Տէրը՝ Եհովան սա՛ կը յայտարարէ. "Միթէ դուք ինծի խորհո՞ւրդ հարցնելու եկաք։ Ես կ’ապրի՛մ. ձեզի պիտի ³չպատասխանեմ", կը պատգամէ Տէրը՝ Եհովան”։

Միթէ անոնց դա՞տը պիտի պաշտպանես, մարդո՛ւ որդի. անոնց դա՞տը պիտի պաշտպանես։ Գիտցո՛ւր անոնց իրենց հայրերուն գարշութիւնները,

եւ ըսէ՛ անոնց. “Տէրը՝ Եհովան սա՛ կը յայտարարէ. "Այն օրը երբ Իսրայէլը ընտրեցի, Յակոբի տան զարմին ⁴իմ ձեռքս բարձրացուցի՝՝ ու Եգիպտոսի մէջ զիս անոնց ճանչցուցի, իմ ձեռքս անոնց բարձրացնելով՝ ըսի. «Ե՛ս եմ Տէրը՝ ձեր Աստուածը»։

Այդ օրը իմ ձեռքս անոնց բարձրացուցի, որպէսզի զիրենք Եգիպտոսի երկրէն հանեմ դէպի այն երկիրը՝ որ իրենց համար հետախուզած էի,— երկիր մը՝ որ կաթ ու մեղր կը հոսեցնէ եւ բոլոր երկիրներուն պարծանքն է ,—

ու անոնց ըսի. «Ձեզմէ իւրաքանչիւրը թող վտարէ իր աչքերուն դիտած պղծութիւնները, եւ անմաքուր մի՛ ըլլաք Եգիպտոսի չաստուածներով. ե՛ս եմ Տէրը՝ ձեր Աստուածը»"”»։

«Բայց անոնք ինծի դէմ ընդվզեցան ու չուզեցին ինծի մտիկ ընել. անոնցմէ ո՛չ մէկը վտարեց իր աչքերուն դիտած պղծութիւնները, ո՛չ ալ լքեցին Եգիպտոսի չաստուածները։ Այն ատեն ըսի. “Իմ ցասումս անոնց վրայ պիտի թափեմ, եւ բարկութիւնս անոնց վրայ պիտի ⁵իրագործեմ Եգիպտոսի երկրին մէջ”։

Սակայն այդպէս վարուեցայ իմ անունիս համար, որ ան չաղարտուի այն ⁶ազգերուն աչքերուն՝ որոնց մէջ անոնք կը գտնուէին, եւ որոնց ⁷առջեւ զիս անոնց ճանչցուցի՝ զանոնք Եգիպտոսի երկրէն հանելով։

«Զանոնք Եգիպտոսի երկրէն հանեցի եւ անապատը տարի.

իմ կանոններս անոնց տուի ու որոշումներս անոնց գիտցուցի, որոնցմով մարդ կ’ապրի՝ եթէ զանոնք գործադրէ։

Իմ Շաբաթներս ալ անոնց տուի՝ որ նշան ըլլան իմ եւ անոնց միջեւ, որպէսզի գիտնան թէ ե՛ս եմ Տէրը՝ որ զիրենք կը սրբացնեմ։

«Բայց Իսրայէլի տունը ինծի դէմ ընդվզեցաւ անապատին մէջ։ Իմ կանոններովս չընթացան ու որոշումներս ⁸մերժեցին, որոնցմով մարդ կ’ապրի՝ եթէ զանոնք գործադրէ։ Իմ Շաբաթներս մեծապէս պղծեցին. ուստի ըսի թէ իմ ցասումս անոնց վրայ պիտի թափեմ՝ անապատին մէջ, եւ զանոնք պիտի ⁹բնաջնջեմ։

Սակայն այդպէս վարուեցայ իմ անունիս համար, որ ան չաղարտուի այն ազգերուն աչքերուն՝ որոնց ¹⁰առջեւ զանոնք դուրս հանեցի։

Անապատին մէջ ալ իմ ձեռքս անոնց բարձրացուցի, որ զանոնք չտանիմ այն երկիրը՝ որ տուեր էի անոնց, որ կաթ ու մեղր կը հոսեցնէ եւ բոլոր երկիրներուն պարծանքն է։

Արդարեւ իմ որոշումներս մերժեցին, կանոններովս չընթացան ու Շաբաթներս պղծեցին, որովհետեւ անոնց սիրտը իրենց չաստուածներուն կը հետեւէր։

Բայց իմ աչքս անոնց խղճաց՝ որ զիրենք չբնաջնջեմ. ուստի անապատին մէջ զանոնք չսպառեցի։

«Անապատին մէջ անոնց որդիներուն ըսի. “Ձեր հայրերուն կանոններով մի՛ ընթանաք, անոնց սովորութիւնները մի՛ պահէք, եւ անոնց չաստուածներով անմաքուր մի՛ ըլլաք։

Ե՛ս եմ Տէրը՝ ձեր Աստուածը. ի՛մ կանոններովս ընթացէք, ի՛մ որոշումներս պահեցէք ու գործադրեցէ՛ք զանոնք։

Սրբացուցէ՛ք իմ Շաբաթներս. անոնք նշան թող ըլլան իմ եւ ձեր միջեւ, որպէսզի գիտնաք թէ ե՛ս եմ Տէրը՝ ձեր Աստուածը”»։

«Բայց անոնց որդիներն ալ ինծի դէմ ընդվզեցան. իմ կանոններովս չընթացան, որոշումներս չպահեցին՝ զանոնք գործադրելու համար,— որոնցմով մարդ կ’ապրի՝ եթէ զանոնք գործադրէ,— եւ Շաբաթներս պղծեցին։ Ուստի ըսի. “Իմ ցասումս անոնց վրայ պիտի թափեմ, ու բարկութիւնս անոնց վրայ պիտի ¹¹իրագործեմ անապատին մէջ”։

Սակայն իմ ձեռքս ետ քաշեցի, եւ այդպէս վարուեցայ իմ անունիս համար, որ ան չաղարտուի այն ազգերուն աչքերուն՝ որոնց ¹²առջեւ զանոնք դուրս հանեցի։

«Նաեւ անապատին մէջ իմ ձեռքս անոնց բարձրացուցի, որ զանոնք ցրուեմ ազգերուն մէջ եւ սփռեմ երկիրներուն մէջ։

Արդարեւ իմ որոշումներս չկիրարկեցին, կանոններս մերժեցին ու Շաբաթներս պղծեցին, եւ իրենց աչքերը ¹³հետեւեցան իրենց հայրերուն չաստուածներուն։

Ուստի ես ալ անոնց այնպիսի կանոններ տուի՝ որ ¹⁴նպաստաւոր չէին, եւ այնպիսի որոշումներ՝ որոնցմով չէին կրնար ապրիլ։

Զանոնք իրենց ¹⁵ընծաներով ¹⁶ապականեցի, քանի ամէն արգանդ բացող կրակէ կ’անցընէին, որպէսզի զանոնք ամայացնեմ, ու գիտնան թէ ե՛ս եմ Տէրը»։

«Հետեւաբար, մարդո՛ւ որդի, խօսէ՛ Իսրայէլի տան եւ ըսէ՛ անոնց. “Տէրը՝ Եհովան սա՛ կը յայտարարէ. "Ձեր հայրերը սա՛ կերպով ալ զիս ¹⁷նախատեցին՝ ինծի հանդէպ ուխտազանց ըլլալով։

Արդարեւ երբ զանոնք տարի այն երկիրը, որուն համար ձեռքս բարձրացուցեր էի որ անոնց տամ, ամէն բարձր բլուր եւ ամէն տերեւախիտ ծառ տեսնելով՝ իրենց զոհերը հոն մատուցանեցին, իրենց գրգռիչ մատաղները հոն ¹⁸տարին, իրենց անոյշ հոտերը հոն ¹⁹զետեղեցին եւ իրենց թափելիք նուէրները հոն ²⁰ընծայեցին"”»։

(Անոնց ըսի. «Ի՞նչ է այդ բարձր տեղը՝ ուր դուք կ’երթաք, որուն անունը մինչեւ այսօր “Բարձր տեղ” կը կոչուի»։)

«Հետեւաբար ըսէ՛ Իսրայէլի տան. “Տէրը՝ Եհովան սա՛ կը յայտարարէ. "Դուք ձեր հայրերուն ²¹ընթացքին հետեւելով՝՝ ²²կ’ապականիք, անոնց պղծութիւններուն հետեւելով կը պոռնկիք,

եւ ձեր ընծաները մատուցանելով ու ձեր որդիները կրակէ անցընելով՝ ձեր բոլոր չաստուածներով կ’ապականիք. միթէ ձեզի ²³պիտի պատասխանե՞մ՝՝, ո՛վ Իսրայէլի տունը։ Ես կ’ապրի՛մ,— կը պատգամէ Տէրը՝ Եհովան.— ձեզի պիտի չպատասխանեմ"”։

«Երբեք պիտի ²⁴չկատարուի ձեր ²⁵մտածումը՝ որ կ’ըսէք. “Մենք փայտ ու քար պաշտելով, ²⁶հեթանոսներուն պէս՝ երկիրներու գերդաստաններուն պէս պիտի ըլլանք”»։

ԱՍՏՈՒԱԾ ԿԸ ՊԱՏԺԷ ԵՒ ԿԸ ՆԵՐԷ

«Ես կ’ապրի՛մ,— կը պատգամէ Տէրը՝ Եհովան.— անշուշտ ձեր վրայ ուժեղ ձեռքով, երկարած բազուկով ու թափուած ցասումով պիտի թագաւորեմ։

Ուժեղ ձեռքով, երկարած բազուկով եւ թափուած ցասումով ձեզ ժողովուրդներէն պիտի հանեմ, ու ձեզ պիտի հաւաքեմ այն երկիրներէն՝ ուր դուք ցրուեցաք։

Ձեզ ժողովուրդներուն անապատը պիտի տանիմ, եւ հոն ձեզի հետ դատ պիտի վարեմ՝ երես առ երես։

Ինչպէս Եգիպտոսի երկրին անապատին մէջ ձեր հայրերուն հետ դատ վարեցի, այնպէս ալ ձեզի հետ դատ պիտի վարեմ,— կը պատգամէ Տէրը՝ Եհովան.—

ձեզ գաւազանին տակէն պիտի անցընեմ եւ ուխտին կապին մէջ մտցնեմ։

Ըմբոստներն ու ինծի դէմ յանցանք գործողները ձեզմէ պիտի զատեմ. զանոնք իրենց գաղթականութեան երկրէն պիտի հանեմ, սակայն անոնք Իսրայէլի ²⁷երկիրը պիտի չմտնեն։ Այն ատեն պիտի գիտնաք թէ ե՛ս եմ Տէրը»։

«Իսկ ձեզի, ո՛վ Իսրայէլի տունը, Տէրը՝ Եհովան սա՛ կը յայտարարէ. “Գացէ՛ք, ձեզմէ իւրաքանչիւրը ասկէ ետքն ալ թող պաշտէ իր չաստուածները, եթէ չուզէք ինծի մտիկ ընել. բայց իմ սուրբ անունս մի՛ պղծէք ձեր ընծաներով ու չաստուածներով։

Արդարեւ իմ սուրբ լերանս վրայ, Իսրայէլի բարձր լերան վրայ,— կը պատգամէ Տէրը՝ Եհովան,— հո՛ն ամբողջ Իսրայէլի տունը զիս պիտի պաշտէ, անոնց բոլորը՝ իրենց երկրին մէջ։ Հոն անոնց պիտի հաճիմ, եւ հոն պիտի պահանջեմ ձեր բարձրացնելիք ընծաներն ու ձեր պարգեւներուն ²⁸երախայրիքը՝ ձեր բոլոր սուրբ բաներով։

Երբ ձեզ ազգերէն հանեմ եւ հաւաքեմ այն երկիրներէն՝ ուր ցրուած էք, ձեր անոյշ հոտին հետ ձեզի պիտի հաւանիմ, ու ձեր մէջ ²⁹պիտի փառաւորուիմ՝՝ ազգերուն աչքերուն առջեւ։

Երբ ձեզ Իսրայէլի ³⁰երկիրը տանիմ, այն երկիրը՝ որուն համար ձեռքս բարձրացուցի որ ձեր հայրերուն տամ, պիտի գիտնաք թէ ե՛ս եմ Տէրը։

Հոն պիտի յիշէք ձեր ընթացքն ու բոլոր արարքները՝ որոնցմով ³¹ապականեցաք, եւ ձեր գործած բոլոր չարիքներուն համար դուք ձեզմէ պիտի զզուիք։

Պիտի գիտնաք թէ ե՛ս եմ Տէրը, երբ ձեզի հետ այդպէս վարուիմ՝ իմ անունիս համար, եւ ո՛չ թէ ձեր վատ ³²ընթացքին ու ապականած արարքներուն համեմատ, ո՛վ Իսրայէլի տունը”», կը պատգամէ Տէրը՝ Եհովան։

ԿՐԱԿ ՀԱՐԱՒԻ ՄԷՋ

³³Տէրը խօսեցաւ՝՝ ինծի՝ ըսելով.

«Մարդո՛ւ որդի, ³⁴ուղղէ՛ երեսդ դէպի հարաւ, ³⁵խօսէ՛ դէպի հարաւ, ու մարգարէացի՛ր հարաւային դաշտի անտառին դէմ։

Ըսէ՛ հարաւային անտառին. “Մտի՛կ ըրէ Տէրոջ խօսքը. Տէրը՝ Եհովան սա՛ կը յայտարարէ. "Ահա՛ ես քու մէջդ կրակ պիտի ³⁶վառեմ, որ պիտի սպառէ մէջդ եղած ամէն դալար ծառ եւ ամէն չոր ծառ։ Բռնկած բոցը պիտի չմարի, ու անով բոլոր երեսները պիտի այրին՝ հարաւէն մինչեւ հիւսիս։

Ամէն մարմին պիտի տեսնէ թէ ե՛ս՝ Տէրս զայն վառեցի. ան պիտի չմարի"”»։

Այն ատեն ես ըսի. «Ո՜հ, Տէ՛ր Եհովա, անոնք ինծի համար կ’ըսեն. “Միթէ ասիկա առակներ չի՞ խօսիր”»։