Habakkuk 3

Nahum  «  Habakkuk 2  ‹  Habakkuk 3  ›  Zephaniah 1  »  Zephaniah

ԱՄԲԱԿՈՒՄԻ ԱՂՕԹՔԸ

Ամբակում մարգարէին աղօթքը. ¹շիկիոնօթի վրայ.—

Ո՛վ Տէր, քու ²համբաւդ լսեցի, ու վախցայ։ Ո՛վ Տէր, ³վերանորոգէ՛ քու գործդ տարիներու ընթացքին, Գիտցո՛ւր զայն տարիներու ընթացքին. Սակայն յիշէ՛ քու գթութիւնդ բարկութեան մէջ։

Աստուած Թեմանէն եկաւ, Սուրբը՝ Փառան լեռնէն։ (⁴Սելա։) Անոր փառաւորութիւնը երկինքը ծածկեց, Եւ անոր գովաբանութեամբ երկիրը լեցուեցաւ։

Անոր պայծառութիւնը լոյսի պէս էր. Անոր ձեռքէն ⁵կայծակներ կը ժայթքէին, Անոր զօրութիւնը հոն պահուած էր։

Անոր առջեւէն ժանտախտը կ’երթար, Եւ անոր ոտքերուն տակէն ⁶տենդախտը դուրս կ’ելլէր։

Ան կայնեցաւ ու երկիրը չափեց, Նայեցաւ եւ ազգերը ⁷դողացուց. Յաւերժական լեռները ⁸փշրուեցան, Յաւիտենական բլուրները ցածցան. Անոր ⁹ճամբաները յաւիտենական են։

¹⁰Քուշանի վրանները պատուհասի մէջ տեսայ, Մադիամի երկրին վարագոյրները սարսեցան։

Միթէ Տէրը գետերո՞ւն դէմ բորբոքեցաւ. Քու բարկութիւնդ գետերո՞ւն դէմ էր, Ցասումդ ծովո՞ւն դէմ էր, Որ ձիերդ ու ¹¹յաղթութեան կառքերդ հեծար։

Քու աղեղդ բոլորովին մերկացած էր, Իսրայէլի տոհմերուն ըրած երդումներուդ եւ քու խօսքիդ համաձայն։ (Սելա։) Երկիրը գետերով ճեղքեցիր.

Լեռները քեզ տեսան ու սարսափեցան. Ջուրերուն հեղեղը անցաւ. Անդունդը իր ձայնը լսել տուաւ Եւ ձեռքերը բարձրացուց։

Արեւն ու լուսինը իրենց բնակութեան մէջ կանգ առին. ¹²Անոնք գացին քու նետերուդ լոյսով՝՝ Եւ փայլատակող նիզակիդ պայծառութեամբ։

Երկրի վրայ սրտմտութեամբ յառաջացար, Ու բարկութեամբ ¹³ազգերը կոխկռտեցիր։

Քու ժողովուրդիդ փրկութեան համար դուրս ելար, Քու օծեալիդ փրկութեան համար. Ամբարիշտին տան գագաթը կոտրեցիր՝ ¹⁴Զայն հիմնայատակ ընելով։ (Սելա։)

¹⁵Իրենց գաւազաններով ծակեցիր անոնց՝՝ գլխաւորներուն գլուխը, Որոնք մրրիկի պէս եկան զիս ցրուելու համար. Անոնց հրճուանքը դժբախտը ¹⁶գաղտնի լափելու հրճուանքին պէս էր։

Քու ձիերովդ ծովուն ¹⁷մէջէն անցար՝՝, Յորդառատ ջուրերու զանգուածին մէջէն։

Լսեցի, եւ ¹⁸սիրտս վրդովեցաւ. Ձայնէն շրթունքս դողդղաց, Ոսկորներուս մէջ փտութիւն մտաւ, Ու եղած տեղս վրդովեցայ. Սակայն հանգստութեամբ պիտի սպասեմ տագնապի օրուան, Երբ ժողովուրդին դէմ բարձրանայ ա՛ն՝ որ իր գունդերով անոր վրայ պիտի յարձակի։

Թէեւ թզենին չծաղկի, Որթատունկերուն վրայ ¹⁹պտուղ չըլլայ, Ձիթենիին ²⁰բերքը խաբէ՝՝, Արտերը կերակուր չտան, Փարախէն ոչխարը ²¹պակսի, Եւ գոմերուն մէջ արջառ չըլլայ,

Ես Տէրոջմով պիտի հրճուիմ, Իմ փրկութեանս Աստուծմով պիտի խայտամ։

Տէրը՝ Եհովան է իմ զօրութիւնս. Ան իմ ոտքերս եղնիկի ոտքերուն պէս պիտի ընէ, Եւ ինծի քալել պիտի տայ իմ բարձունքներուս վրայ։ Գլխաւոր երաժիշտին. իմ լարաւոր նուագարաններուս վրայ։