Hosea 5

Daniel  «  Hosea 4  ‹  Hosea 5  ›  Hosea 6  »  Joel

Լսեցէ՛ք ասիկա, ո՛վ քահանաներ. Ուշադի՛ր եղէք, ո՛վ Իսրայէլի տունը. Ունկնդրեցէ՛ք, ո՛վ թագաւորին տունը։ Արդարեւ ձեզի դէմ դատավճիռ կայ, Որովհետեւ դուք վարմ եղաք Մասփայի մէջ, Ու տարածուած ցանց՝ Թաբորի վրայ։

Մոլորածները զոհեր ¹մորթելով մեղքի մէջ խորասուզուեցան՝՝, ²Թէպէտ ես անոնց բոլորին խրատ կու տայի՝՝։

Ես Եփրեմը կը ճանչնամ, Եւ Իսրայէլ ինձմէ ծածկուած չէ. Արդարեւ հիմա, ո՛վ Եփրեմ, դուն կը պոռնկիս, Իսրայէլ ³ապականած է։

ՈՎՍԷԷ ԿԸ ԶԳՈՒՇԱՑՆԷ ԿՌԱՊԱՇՏՈՒԹԵՆԷ

Անոնց արարքները իրենց չեն թոյլատրեր Որ իրենց Աստուծոյն վերադառնան, Քանի որ անոնց մէջ պոռնկութեան ոգի կայ Եւ Տէրը չեն ճանչնար։

Իսրայէլի ամբարտաւանութիւնը իր երեսին դէմ կը վկայէ. Իսրայէլ ու Եփրեմ իրենց անօրէնութեամբ պիտի գայթին, Յուդա ալ անոնց հետ պիտի գայթի։

Անոնք իրենց ոչխարներով եւ արջառներով Տէրը փնտռելու պիտի երթան, բայց պիտի չգտնեն. Ինք անոնցմէ ⁴հեռացաւ։

Անոնք Տէրոջ անհաւատարիմ եղան, Որովհետեւ ⁵ապօրինի զաւակներ՝՝ ծնան. Հիմա ⁶մէկ ամսուան մէջ պիտի սպառին՝՝ Իրենց ժառանգութեան բաժիններով։

ՊԱՏԵՐԱԶՄ ՅՈՒԴԱՅԻ ԵՒ ԻՍՐԱՅԷԼԻ ՄԻՋԵՒ

Գաբաայի մէջ շեփո՛ր հնչեցուցէք, Եւ Ռամայի մէջ՝ փող. Բեթաւանի մէջ ⁷գոչեցէ՛ք, Քու ետեւէդ, ո՛վ Բենիամին։

Կշտամբանքի օրը Եփրեմ ամայի պիտի ըլլայ. Իսրայէլի տոհմերուն մէջ ⁸ստոյգը կը գիտցնեմ։

Յուդայի իշխանաւորները սահմանաքար տեղափոխողներու պէս եղան. Անոնց վրայ իմ ցասումս ջուրի պէս պիտի թափեմ։

Եփրեմ հարստահարուած ու դատավճիռով ջախջախուած է, Քանի որ կամապաշտութեամբ ⁹ունայնութեան հետեւեցաւ։

Ուստի ես ցեցի պէս պիտի ըլլամ Եփրեմի, Եւ փտութեան պէս՝ Յուդայի տան։

Երբ Եփրեմ իր հիւանդութիւնը տեսաւ, ու Յուդա՝ իր վէրքը, Եփրեմ Ասորեստան գնաց, Եւ ¹⁰Յարեբ թագաւորին պատգամաւորներ ղրկեց. Բայց ան չի կրնար ձեզ բուժել ու ձեր վէրքը առողջացնել։

Արդարեւ ես ¹¹մռնչող առիւծի՝՝ պէս պիտի ըլլամ Եփրեմի, Եւ առիւծի կորիւնի պէս՝ Յուդայի տան. Ե՛ս, ե՛ս պիտի բզքտեմ, ու պիտի երթամ. Պիտի տանիմ, եւ ո՛չ մէկ ազատող պիտի ըլլայ։

Ես պիտի երթամ, իմ տեղս պիտի վերադառնամ, Մինչեւ որ անոնք իրենց յանցաւոր ըլլալը խոստովանին ու երեսս խնդրեն։ Իրենց տագնապին մէջ ¹²փութով զիս պիտի փնտռեն եւ ըսեն.