Hosea 6
Daniel « Hosea 5 ‹ Hosea 6 › Hosea 7 » Joel
ԺՈՂՈՎՈՒՐԴԻՆ ԿԵՂԾ ԶՂՋՈՒՄԸ
1«Եկէ՛ք, Տէրո՛ջ վերադառնանք, Քանի որ ի՛նք բզքտեց, եւ ի՛նք մեզ պիտի բուժէ. Ի՛նք զարկաւ, եւ ի՛նք մեր վէրքերը պիտի փաթթէ։
2Երկու օրէն մեզ պիտի վերապրեցնէ, Երրորդ օրը մեզ պիտի կանգնեցնէ, Եւ անոր առջեւ պիտի ապրինք։
3Տէրը պիտի ճանչնանք, ու զայն ճանչնալու հետամուտ պիտի ըլլանք. Անոր ելքը արշալոյսի պէս 1որոշ է. Ան մեզի պիտի գայ տեղատարափի պէս, Երկիրը թրջող 2վերջին անձրեւին՝՝ պէս»։
4Քեզի ի՞նչ ընեմ, ո՛վ Եփրեմ, Քեզի ի՞նչ ընեմ, ո՛վ Յուդա. Որովհետեւ ձեր բարեպաշտութիւնը առտուան ամպին պէս է, Կանուխ իջած ցօղին պէս՝ որ 3կ’անհետանայ։
5Հետեւաբար մարգարէներուն ձեռքով զանոնք կոփեցի, Բերանիս խօսքերով զանոնք մեռցուցի, Որպէսզի 4իմ դատավճիռներս՝՝ լոյսի պէս 5ծագին։
6Արդարեւ ես կարեկցութենէ կ’ախորժիմ, եւ ո՛չ թէ զոհէ, Ու ողջակէզներէն աւելի՝ Աստուծոյ ճանաչումէն։
7Իսկ անոնք 6Ադամի պէս ուխտը անտեսեցին, Ինծի անհաւատարիմ եղան։
8Գաղաադ անօրէնութիւն գործողներու քաղաք է, Արիւնի հետքերով լեցուն է։
9Ինչպէս աւազակներու գունդերը Մարդու համար 7դարանակալ կ’ըլլան՝՝, Նոյնպէս քահանաներուն 8խումբը Սիւքէմի ճամբային մէջ կը սպաննէ, Որովհետեւ լրբութիւն կը գործէ։
10Իսրայէլի տան մէջ քստմնելի բաներ տեսայ. Եփրեմի պոռնկութիւնները հո՛ն են, Իսրայէլ 9ապականեցաւ։
11Քեզի՛ ալ հունձք մը 10պատրաստուած է, ո՛վ Յուդա, Երբ իմ ժողովուրդս գերութենէն վերադարձնեմ։