Isaiah 29

Song of Solomon  «  Isaiah 28  ‹  Isaiah 29  ›  Isaiah 30  »  Jeremiah

ԵՐՈՒՍԱՂԷՄԻ ՃԱԿԱՏԱԳԻՐԸ

Վա՜յ ¹Արիէլի, Դաւիթի ²բնակած Արիէլ բերդաքաղաքին։ Տարի տարիի վրայ աւելցուցէ՛ք, Թող տարեկան տօները ³իրարու յաջորդեն՝՝.

Բայց ես Արիէլը տուայտանքի մէջ պիտի ձգեմ, եւ ան ⁴տրտում ու տխուր՝՝ պիտի ըլլայ. Ինծի ⁵Արիէլի պէս պիտի ըլլայ։

Քեզի դէմ բոլորաձեւ պիտի բանակիմ, Քեզ ամրութիւններով պիտի պաշարեմ, Քեզի դէմ պատնէշներ պիտի կանգնեցնեմ.

Ուստի պիտի ցածնաս եւ գետինէն խօսիս, Քու նուաղաձայն խօսքերդ հողին տակէն պիտի ելլեն, Ձայնդ վհուկի ձայնին պէս գետինէն պիտի ⁶գայ, Ու խօսքդ հողէն պիտի մրմնջէ։

⁷Թշնամիներուդ բազմութիւնը մանր փոշիի պէս պիտի ըլլայ, Եւ բռնակալներուն բազմութիւնը՝ անցնող մղեղին պէս. Ասիկա յանկարծ պիտի ըլլայ, մէկ վայրկեանի մէջ։

Զօրքերու Տէրը ⁸քեզ պիտի պատժէ՝՝ Որոտումով, երկրաշարժով, մեծ ⁹պայթիւնով, Փոթորիկով, մրրիկով ու սպառող կրակի բոցով։

Արիէլի դէմ պատերազմող բոլոր ազգերուն բազմութիւնը, Այսինքն անոր դէմ եւ անոր ամրութիւններուն դէմ բոլոր ¹⁰պայքարողները Ու զայն տուայտանքի մէջ ձգողները՝ ¹¹Գիշերը տեսնուած՝՝ երազի պէս պիտի ըլլան։

Ինչպէս անօթին երազին մէջ ¹²կը տեսնէ թէ՝՝ կերակուր կ’ուտէ, Բայց արթննալէն ետք ¹³փորը անօթի՝՝ է, Ինչպէս ծարաւ մարդը երազին մէջ կը տեսնէ թէ ջուր կը խմէ, Բայց արթննալէն ետք ահա՛ կը պարտասի եւ անձը կը պապակի, Այնպէս պիտի ըլլայ բոլոր ազգերուն բազմութեան, Որ Սիոն լերան դէմ կը պատերազմին։

ԱՆՆԿԱՏ ԹՈՂՈՒԱԾ ՅԱՆԴԻՄԱՆՈՒԹԻՒՆՆԵՐ

Զարմացէ՛ք ու հիացէ՛ք, Շլացէ՛ք եւ ¹⁴թմրեցէ՛ք. Անոնք ¹⁵արբած են, բայց գինիէն չէ. Կը դանդաչեն, բայց օղիէն չէ։

Արդարեւ Տէրը ձեր վրայ թմբիրի ոգի թափեց. Ձեր աչքերը գոցեց, մարգարէնե՛ր. Ձեր գլուխները ծածկեց, տեսանողնե՛ր։

Ամէն տեսիլք կնքուած գիրքի մը խօսքերուն պէս պիտի ըլլայ ձեզի, Որ կարդալ գիտցողին կու տան Ու կ’ըսեն. «Կ’աղերսե՛նք, կարդա՛ ասիկա»։ Իսկ ան կը պատասխանէ. «Չեմ կրնար, որովհետեւ կնքուած է»։

Ապա գիրքը կարդալ չգիտցողին կու տան Եւ կ’ըսեն. «Կ’աղերսե՛նք, կարդա՛ ասիկա»։ Ան ալ կը պատասխանէ. «Կարդալ չեմ գիտեր»։

Հետեւաբար Տէրը կ’ըսէ. «Քանի այս ժողովուրդը իր բերանով կը մօտենայ ինծի, Միայն իր շրթունքով կը պատուէ զիս, Բայց իրենց սիրտը ինձմէ հեռացած է, Եւ ինձմէ ունեցած իրենց վախը Մարդոց սորվեցուցած պատուիրան մըն է,

Ահա՛ ես այս ժողովուրդին մէջ Վերստին սքանչելիքներ պիտի ընեմ, ¹⁶Զարմանալի սքանչելիքներ, Եւ անոնց իմաստուններուն իմաստութիւնը պիտի կորսուի, Ու խելացիներուն խելքը պիտի ¹⁷անհետանայ»։

ՅՈՅՍ ԱՊԱԳԱՅԻ ՀԱՄԱՐ

Վա՜յ անոնց, որ խորունկ տեղ կը փնտռեն՝ Իրենց ծրագիրները Տէրոջմէն պահելու համար, Իրենց գործերը խաւարին մէջ կը կատարեն Ու կ’ըսեն. «Մեզ ո՞վ կը տեսնէ, մեզ ո՞վ կը ճանչնայ»։

¹⁸Ի՜նչպէս դերերը կը շրջէք. Միթէ բրուտը կաւ կը սեպուի՞, Որ շինուածը զինք շինողին համար ըսէ. «Ան զիս չշինեց», Եւ ձեւակերպուածը իր ձեւակերպիչին համար ըսէ. «Ան խելք չունի»։

Ահա՛ շատ քիչ ժամանակէն Լիբանան բարեբեր արտի պիտի վերածուի, Ու բարեբեր արտը անտառ պիտի սեպուի։

Այդ օրը խուլերը Գիրքին խօսքերը պիտի լսեն, Կոյրերուն աչքերը մթութենէն եւ խաւարէն ազատուելով՝ պիտի տեսնեն.

Հեզերը Տէրոջմով իրենց ուրախութիւնը պիտի աւելցնեն, Ու մարդոց մէջ աղքատները Իսրայէլի Սուրբով պիտի խայտան.

Արդարեւ բռնակալը պիտի չքանայ, Եւ ծաղրողը պիտի ¹⁹բնաջնջուի. Բոլոր անոնք՝ որ անօրէնութեան համար կը հսկեն՝ պիտի բնաջնջուին,

Նաեւ անոնք՝ որ մարդ մը ²⁰կը դատապարտեն՝՝ իրենց խօսքով, ²¹Դատարանին մէջ վճիռ տուողին համար որոգայթ կը լարեն, Եւ արդարին իրաւունքը կը ծռեն զուր տեղը։

Հետեւաբար Աբրահամը փրկող Տէրը Յակոբի տան համար սա՛ կը յայտարարէ. «Հիմա Յակոբ ա՛լ պիտի չամչնայ, Հիմա անոր երեսը ա՛լ պիտի չտժգունի.

Արդարեւ երբ իր մէջ ²²տեսնէ իր զաւակները՝ իմ ձեռքերուս գործը, Իմ անունս պիտի ²³փառաւորեն. Յակոբի Սուրբը պիտի փառաւորեն, Եւ Իսրայէլի Աստուծմէն պիտի վախնան։

Հոգիով մոլորածները խելացութիւն պիտի ճանչնան, Ու տրտնջողները ուսուցումը պիտի սորվին»։