Isaiah 60

Song of Solomon  «  Isaiah 59  ‹  Isaiah 60  ›  Isaiah 61  »  Jeremiah

ԵՐՈՒՍԱՂԷՄԻ ԱՊԱԳԱՅ ՓԱՌՔԸ

Կանգնէ՛, լուսաւորուէ՛. քանի որ քու լոյսդ եկաւ, Եւ Տէրոջ փառքը ծագեցաւ քու վրադ։

Արդարեւ ահա՛ խաւարը պիտի ծածկէ ¹երկրագունդը, Ու մառախուղը՝ բնակչութիւնը. Իսկ քու վրադ Տէ՛րը պիտի ծագի, Եւ անոր փառքը պիտի երեւնայ քու վրադ։

²Ազգերը քու լոյսիդ պիտի գան, Ու թագաւորները՝ քու վրադ ծագած պայծառութեան։

Վերցո՛ւր աչքերդ եւ նայէ՛ շուրջդ. Բոլորը կը հաւաքուին ու քեզի կու գան։ Քու որդիներդ հեռուէն պիտի գան, Եւ աղջիկներդ ³գիրկի մէջ պիտի ⁴բերուին։

Այն ատեն պիտի տեսնես եւ ⁵ուրախանաս, Սիրտդ պիտի ⁶սարսռայ ու ⁷սփոփուի, Քանի որ ծովուն ճոխութիւնը քեզի պիտի փոխանցուի, Ազգերուն ⁸հարստութիւնը քեզի պիտի գայ։

Ուղտերուն ⁹երամակը, Մադիամի եւ Գեփայի տաճիկ ուղտերը քեզ պիտի ծածկեն. Բոլորը Սաբայէն պիտի գան, Ոսկի ու կնդրուկ պիտի բերեն, Եւ Տէրոջ ¹⁰փառաւոր գործերը՝՝ պիտի աւետեն։

Կեդարի բոլոր հօտերը քու քովդ պիտի հաւաքուին, Եւ Նաբէոթի խոյերը քեզի պիտի սպասարկեն. Անոնք իմ զոհասեղանիս վրայ պիտի ելլեն՝ ¹¹ընդունելի զոհ ըլլալու, Եւ իմ ¹²շքեղ տունս՝՝ պիտի զարդարեմ։

Ո՞վ են ասոնք՝ որ կը թռչին թանձր ամպի պէս, Դէպի իրենց վանդակը թռչող աղաւնիներու պէս։

Ի՛րապէս կղզիները — եւ առաջին անգամ՝ Թարսիսի նաւերը — Ինծի ¹³համար պատրաստ պիտի ըլլան՝՝, Որպէսզի հեռուէն քու որդիներդ բերեն, Եւ անոնց հետ՝ իրենց արծաթն ու ոսկին, Տէրոջ՝ քու Աստուծոյդ անունին համար, Ու Իսրայէլի Սուրբին համար, քանի որ ան քեզ կը փառաւորէ։

Օտարազգիներուն որդիները պարիսպներդ պիտի կառուցանեն, Եւ անոնց թագաւորները քեզի պիտի սպասարկեն. Արդարեւ իմ զայրոյթովս քեզ զարկի, Բայց բարեհաճութեամբս քեզի պիտի գթամ։

Քու դռներդ շարունակ բաց պիտի ըլլան, Ցերեկ ու գիշեր պիտի չգոցուին, Որպէսզի ազգերուն հարստութիւնը քեզի ¹⁴կրեն, Եւ անոնց թագաւորները քովդ ¹⁵առաջնորդուին։

Արդարեւ քեզի չծառայող ազգն ու թագաւորութիւնը պիտի կորսուին. Այդ ազգերը բոլորովին պիտի աւերուին։

Լիբանանի փառքը քեզի պիտի գայ, — Եղեւինը, շոճին ու տօսախը միասին —, Իմ սրբարանիս տեղը ¹⁶զարդարելու համար. Իմ ոտքերուս տեղը պիտի փառաւորեմ։

Քեզ տառապեցնողներուն որդիները՝ Քեզի գալով առջեւդ պիտի խոնարհին. Բոլոր քեզ անարգողները՝ Ոտքերուդ ներբաններուն պիտի երկրպագեն. Քեզ պիտի կոչեն “Տէրոջ քաղաքը”, “Իսրայէլի Սուրբին Սիոնը”։

Դուն՝ որ լքուած եւ ատելի եղար, Ու ո՛չ մէկը քեզմէ կ’անցնէր, Քեզ յաւիտենական մեծափառութեան պիտի ¹⁷վերածեմ, Սերունդէ սերունդ տեւող բերկրանքի։

Ազգերուն կաթը պիտի ծծես, Թագաւորներուն ¹⁸ստինքը պիտի ծծես, Եւ պիտի գիտնաս թէ ես՝ Տէրս, քու Ազատարարդ եմ, Քու Փրկարարդ, Յակոբի Հզօրը։

Պղինձի տեղ ոսկի պիտի բերեմ, Երկաթի տեղ արծաթ պիտի բերեմ, Փայտի տեղ՝ պղինձ, Ու քարերու տեղ՝ երկաթ։ Խաղաղութի՛ւնը պիտի նշանակեմ քեզի իբր վերատեսուչ, Եւ արդարութիւնը՝ իբր ¹⁹գործավար։

Անգա՛մ մըն ալ քու երկրիդ մէջ բռնութիւն պիտի ²⁰չպատահի, Ու հողամասիդ մէջ՝ կործանում եւ փլուզում. Հապա քու պարիսպներդ “Փրկութիւն” պիտի կոչես, Ու դռներդ՝ “Գովաբանութիւն”։

Անգա՛մ մըն ալ ցերեկը արեւը պիտի չըլլայ քու լոյսդ, Եւ գիշերը լուսինին պայծառութիւնը քեզ պիտի չլուսաւորէ. Հապա Եհովան քեզի յաւիտենական լոյս պիտի ըլլայ, Եւ Աստուածդ՝ քու պարծանքդ։

Քու արեւդ անգա՛մ մըն ալ մայր պիտի չմտնէ, Ու լուսինդ պիտի ²¹չծածկուի. Հապա Եհովան քեզի յաւիտենական լոյս պիտի ըլլայ, Եւ սուգի օրերդ պիտի աւարտին։

Քու ամբողջ ժողովուրդդ արդար պիտի ըլլայ, Ու երկրին պիտի տիրանան յաւիտենապէս. Իմ տնկած ընձիւղս՝ ձեռքերուս գործը՝ Իմ փառքիս համար պիտի ըլլայ։

Փոքրաթիւը հազարաւոր պիտի ըլլայ, Եւ պզտիկը՝ հզօր ազգ. Ես՝ Տէրս պիտի փութացնեմ ասիկա՝ իր ժամանակին։