Isaiah 61

Song of Solomon  «  Isaiah 60  ‹  Isaiah 61  ›  Isaiah 62  »  Jeremiah

ԱԶԱՏԱԳՐՈՒՄԻ ԲԱՐԻ ԼՈՒՐԸ

Տէրոջ՝ Եհովայի Հոգին իմ վրաս է, Որովհետեւ Տէրը զիս օծեց ¹Աղքատներուն աւետիս տալու. Զիս ղրկեց կոտրած սիրտ ունեցողները ²բժշկելու, Գերիներուն ազատագրութիւն յայտարարելու, Եւ բանտարկեալներուն՝ բանտին բացուիլը.

Տէրոջ բարեհաճութեան տարին Ու մեր Աստուծոյն վրէժխնդրութեան օրը յայտարարելու, Բոլոր սգաւորները մխիթարելու.

Սիոնի սգաւորները նշանակելու, Եւ անոնց մոխիրի տեղ խոյր տալու, Սուգի տեղ՝ բերկրանքի հոտաւէտ իւղ, Ու մռայլ հոգիի տեղ՝ գովաբանութեան հագուստ. Զանոնք պիտի կոչեն “Արդարութեան բեւեկնիներ”, Որ Տէրը տնկեր է իր փառքին համար։

Անոնք հնադարեան աւերակները պիտի կառուցանեն, Նախապէս ³կործանուածները պիտի կանգնեցնեն, Աւերուած քաղաքները Ու շատ ⁴դարերէ ի վեր կործանուածները պիտի ⁵վերանորոգեն։

Օտարները պիտի ⁶գան ու ձեր հօտերը արածեն. Օտարազգիներուն որդիները ձեր երկրագործները եւ այգեգործները պիտի ըլլան։

Իսկ դուք “Տէրոջ քահանաները” պիտի կոչուիք, “Մեր Աստուծոյն ⁷պաշտօնեաները” պիտի անուանուիք. ⁸Ազգերուն հարստութիւնը պիտի ուտէք, Եւ անոնց փառքով պիտի ⁹փառաւորուիք։

Փոխանակ ձեր ամօթին՝ կրկնակի պիտի ուրախանաք, Ու փոխանակ նախատինքի՝ ¹⁰ձեր ժառանգութեան մէջ պիտի ցնծաք՝՝. Ուստի ¹¹ձեր երկրին մէջ կրկինին պիտի տիրանաք՝՝, Յաւիտենական ուրախութիւն պիտի ¹²ունենաք։

Արդարեւ ես՝ Տէրս՝ ¹³արդարութիւնը կը սիրեմ. Անիրաւութիւնն ու յափշտակութիւնը կ’ատեմ. Անոնց գործերը ճշմարտապէս ¹⁴պիտի վարձատրեմ՝՝, Եւ իրենց հետ յաւիտենական ուխտ պիտի կնքեմ։

Անոնց զարմը ազգերուն մէջ պիտի ճանչցուի, Ու իրենց շառաւիղները՝ ժողովուրդներուն մէջ. Բոլոր զանոնք տեսնողները պիտի գիտնան Թէ անոնք Տէրոջ օրհնած զարմն են։

Ես Տէրոջմով մեծապէս պիտի բերկրիմ, Եւ անձս իմ Աստուծմովս պիտի խայտայ. Արդարեւ ինծի փրկութեան հագուստներ հագցուց, Զիս արդարութեան պարեգօտով ծածկեց, Փեսայի պէս՝ որ փառաւոր խոյրով ¹⁵կը պճնուի՝՝, Ու հարսի պէս՝ որ իր ¹⁶զարդերով կը զարդարուի։

Արդարեւ ինչպէս երկիրը իր ¹⁷տունկը կ’աճեցնէ՝՝, Եւ պարտէզը իր մէջ սերմանուածները կը բուսցնէ, Այնպէս Տէրը՝ Եհովան բոլոր ազգերուն առջեւ Արդարութիւն ու գովաբանութիւն պիտի բուսցնէ։