Jeremiah 1

Isaiah  «  Isaiah 66  ‹  Jeremiah 1  ›  Jeremiah 2  »  Lamentations

¹Բենիամինի երկիրը, Անաթովթի մէջ եղող քահանաներէն Քեղկիայի որդիին՝ Երեմիայի խօսքերը,

որուն ²Տէրը խօսեցաւ՝՝, Յուդայի թագաւորին՝ Ամոնի որդիին Յովսիայի օրերը, անոր թագաւորութեան տասներեքերորդ տարին.

նաեւ Յուդայի թագաւորին՝ Յովսիայի որդիին Յովակիմի օրերը, մինչեւ Յուդայի թագաւորին՝ Յովսիայի որդիին Սեդեկիայի տասնմէկերորդ տարուան վախճանը, մինչեւ Երուսաղէմի տարագրութիւնը, որ հինգերորդ ամսուան մէջ եղաւ.—

ԵՐԵՄԻԱՅԻ ԿՈՉՈՒՄԸ

³Տէրը խօսեցաւ՝՝ ինծի՝ ըսելով.

«Քեզ որովայնի մէջ չձեւակերպած՝ քեզ կը ճանչնայի, Դուն քու մօրդ արգանդէն չելած՝ քեզ սրբացուցի, Քեզ ազգերուն մարգարէ կարգեցի»։

Այն ատեն ըսի. «Ո՜հ, Տէ՛ր Եհովա, ահա՛ ես խօսիլ չեմ գիտեր, Որովհետեւ ⁴մանուկ եմ»։

Բայց Տէրը ինծի ըսաւ. «Մի՛ ըսեր. “Ես մանուկ եմ”, Որովհետեւ ուր որ քեզ ղրկեմ՝ պիտի երթաս, Եւ ինչ որ քեզի հրամայեմ՝ պիտի խօսիս։

⁵Անոնցմէ մի՛ վախնար, Քանի որ ես քեզի հետ եմ՝ Քեզ ազատելու համար», կը պատգամէ Տէրը։

Յետոյ Տէրը իր ձեռքը երկարեց ու բերանիս դպաւ, Եւ Տէրը ինծի ըսաւ. «Ահա՛ իմ խօսքերս քու բերանդ դրի։

Նայէ՛, ես այսօր քեզ նշանակեցի ազգերուն վրայ Եւ թագաւորութիւններուն վրայ, Որպէսզի խլես ու փլցնես, կործանես եւ քանդես, Նաեւ կառուցանես ու տնկես»։

ԵՐԿՈՒ ՏԵՍԻԼՆԵՐ

⁶Տէրը խօսեցաւ՝՝ ինծի՝ ըսելով. «Ո՛վ Երեմիա, ի՞նչ կը տեսնես»։ Պատասխանեցի. «Նշենիի գաւազան մը կը տեսնեմ»։

Այն ատեն Տէրը ինծի ըսաւ. «Լա՛ւ տեսար. Արդարեւ ես կը հսկեմ իմ խօսքիս վրայ՝ զայն իրագործելու համար»։

Երկրորդ անգամ ալ ⁷Տէրը խօսեցաւ՝՝ ինծի՝ ըսելով. «Ի՞նչ կը տեսնես»։ Պատասխանեցի. «Եռացող կաթսայ մը կը տեսնեմ, Որուն երեսը դէպի հիւսիս է»։

Ուստի Տէրը ինծի ըսաւ. «Չարիքը հիւսիսէն պիտի ⁸տարածուի Երկրին բոլոր բնակիչներուն վրայ,

Քանի որ ահա՛ ես հիւսիսի թագաւորութիւններուն Բոլոր գերդաստանները պիտի կանչեմ,— կը պատգամէ Տէրը։— Անոնք պիտի գան եւ իւրաքանչիւրը իր գահը պիտի դնէ Երուսաղէմի դռներուն առջեւ, Անոր շրջակայ պարիսպներուն դիմաց, Ու Յուդայի բոլոր քաղաքներուն դիմաց։

Անոնց դէմ պիտի արձակեմ իմ դատավճիռներս՝ Իրենց բոլոր չարութիւններուն համար, Որովհետեւ անոնք զիս լքեցին, Ուրիշ աստուածներու խունկ ծխեցին, Իրենց ձեռքերու գործերուն երկրպագեցին։

Ուրեմն դուն մէ՛ջքդ կապէ, կանգնէ՛, Եւ ըսէ՛ անոնց ամէն ինչ որ քեզի պիտի հրամայեմ. Անոնցմէ մի՛ զարհուրիր, Որպէսզի ես ալ քեզ անոնց առջեւ չզարհուրեցնեմ։

Ահա՛ այսօր ես քեզ ամբողջ երկրին դիմաց, Այսինքն Յուդայի թագաւորներուն, անոր իշխանաւորներուն, Քահանաներուն ու երկրին ժողովուրդին դիմաց, Պարսպապատ քաղաքի պէս, երկաթէ սիւնի պէս Եւ պղինձէ պարիսպներու պէս ⁹հաստատեցի։

Անոնք պիտի պայքարին քեզի դէմ, Բայց պիտի չյաղթեն քեզի. Արդարեւ ես քեզի հետ եմ՝ Քեզ ազատելու համար», կը պատգամէ Տէրը։