Job 37

Esther  «  Job 36  ‹  Job 37  ›  Job 38  »  Psalm

«Ասոր համար ալ սիրտս կը դողայ, Եւ իր տեղէն դուրս կը ցատկէ։

¹Ուշադրութեա՛մբ մտիկ ըրէք՝՝ անոր ²ձայնին մոլեգնութիւնը, Անոր բերանէն ելած գոռումը.

Զայն կը ղրկէ ամբողջ երկինքին տակ, Նաեւ իր ³կայծակը՝ մինչեւ երկրի ծայրերը։

Անկէ ետք ձայն մը կը ⁴թնդայ. Իր մեծափառութեան ձայնով կ’որոտայ, Ու իր ձայնը լսուելէն ետք՝ ⁵զանոնք չ’ուշացներ։

Աստուած սքանչելիքներ կ՛ընէ՝ երբ իր ձայնով կ’որոտայ, Մեծագործութիւններ կը կատարէ՝ որոնք մենք չենք հասկնար։

Արդարեւ ան ձիւնին կ’ըսէ. “⁶Իջի՛ր երկրի վրայ”, Նաեւ տեղատարափներուն, եւ իր զօրութեան տեղատարափ անձրեւներուն։

Ան իւրաքանչիւրին ձեռքը կը կնքէ, Որպէսզի բոլոր մարդիկը հասկնան թէ իր ⁷ձեռակերտն են։

Գազանները իրենց որջը կը մտնեն, Եւ իրենց ⁸պատսպարաններուն մէջ կը բնակին։

⁹Հարաւէն փոթորիկ կու գայ, Ու ¹⁰հիւսիսէն՝ ցուրտ։

Աստուծոյ շունչէն սառ կը ¹¹շինուի Եւ ջուրերուն լայնութիւնը կը նեղնայ։

Թանձր ամպերը խոնաւութեամբ կը ծանրաբեռնէ. Իր փայլակը ամպերը կը ցրուէ։

Անոր առաջնորդութեամբ ¹²կը շրջագային՝՝, Որպէսզի երկրագունդի մակերեսին վրայ — երկրի վրայ — անոր բոլոր պատուիրածները գործադրեն։

Զանոնք ¹³կը բերէ՝՝ թէ՛ ¹⁴խրատի համար, Թէ՛ իր երկրին համար, թէ՛ ալ կարեկցութեան համար։

Ո՛վ Յոբ, սա՛ ունկնդրէ. Կայնէ՛ եւ նկատէ՛ Աստուծոյ սքանչելիքները։

Գիտե՞ս թէ Աստուած ի՛նչպէս կը ¹⁵կարգաւորէ զանոնք Ու իր ամպէն լոյս կը փայլեցնէ։

Կը հասկնա՞ս թանձր ամպերուն հաւասարակշռութիւնը, Եւ գիտութեամբ անթերի եղողին սքանչելիքները։

Ինչո՞ւ հագուստներդ կը տաքնան Երբ ան երկիրը կը հանդարտեցնէ հարաւային հովով։

Անոր հետ դո՞ւն տարածեցիր ¹⁶երկինքը, Որ ամուր է ձուլածոյ հայելիի պէս։

Սորվեցո՛ւր մեզի թէ ի՛նչ պիտի ըսենք անոր, Որովհետեւ խաւարին պատճառով չենք կրնար մեր խօսքը զետեղել։

Երբ ես խօսիմ, պիտի հաղորդուի՞ անոր. Եթէ մէկը խօսի, իրապէս պիտի ¹⁷բնաջնջուի՞։

Թէպէտ մարդիկ ա՛լ չտեսնեն փայլուն լոյսը՝ որ նօսր ամպերուն ¹⁸ետեւն է, Հովը կ’անցնի ու զանոնք կը ¹⁹քշէ։

Ահա՛ հիւսիսէն ոսկիի պէս լոյս կու գայ. Աստուծոյ ²⁰շուրջ ահաւոր փառաւորութիւն կայ։

Ան ամենակարող է, չենք կրնար ²¹զայն գտնել՝՝. Վսեմ է ²²զօրութեամբ, ²³իրաւունքով ու շատ արդարութեամբ Եւ չի ²⁴տառապեցներ։

Հետեւաբար մարդիկ իրմէ կը վախնան. Սիրտով իմաստուններէն ո՛չ ²⁵մէկուն կը նայի՝՝»։