Jonah 2
Obadiah « Jonah 1 ‹ Jonah 2 › Jonah 3 » Micah
ՅՈՎՆԱՆԻ ԱՂՕԹՔԸ
1Յովնան ձուկին 1փորէն Տէրոջ՝ իր Աստուծոյն աղօթեց,
2եւ ըսաւ. «Իմ տագնապիս մէջ Տէրոջ գոչեցի, Եւ ան ինծի պատասխանեց. 2Դժոխքին փորէն օգնութեան կանչեցի, Ու ձայնս լսեցիր։
3Արդարեւ զիս խորխորատը՝ ծովերուն սիրտին մէջ նետեցիր, Ու 3յորձանքները զիս պաշարեցին. Քու բոլոր կոհակներդ եւ ալիքներդ իմ վրայէս անցան։
4Ես ըսի. “Քու աչքերուդ առջեւէն վռնտուեցայ, Սակայն տակաւին քու սուրբ տաճարիդ պիտի նայիմ”։
5Ջուրերը զիս մինչեւ անձս պատեցին, Անդունդը զիս շրջապատեց, 4Կնիւնները գլուխիս փաթթուեցան։
6Լեռներուն 5խորքը իջայ, Երկիրը իր նիգերով զիս յաւիտենապէս 6արգելափակած էր. Բայց դուն իմ կեանքս փոսէն բարձրացուցիր, Ո՛վ Տէր, իմ Աստուա՛ծս։
7Երբ անձս իմ ներսս թալկացաւ, Տէրը յիշեցի, Եւ աղօթքս քեզի հասաւ՝ քու սուրբ տաճարդ։
8Սուտ ունայնութիւններու նայողները Իրենց ըլլալիք կարեկցութիւնը կը լքեն,
9Բայց ես շնորհակալութեան ձայնով քեզի զոհ պիտի մատուցանեմ, Եւ ըրած ուխտս պիտի կատարեմ. Փրկութիւնը Տէրոջմէն է»։
10Ուստի Տէրը հրամայեց ձուկին, ան ալ Յովնանը ցամաքին վրայ փսխեց։