Jonah 3
Obadiah « Jonah 2 ‹ Jonah 3 › Jonah 4 » Micah
ՅՈՎՆԱՆԻ ՀՆԱԶԱՆԴՈՒԹԻՒՆԸ
1Երկրորդ անգամ 1Տէրը խօսեցաւ՝՝ Յովնանի՝ ըսելով.
2«Կանգնէ՛, գնա՛ Նինուէ մեծ քաղաքը, եւ յայտարարէ՛ անոր այն 2պատգամը՝ որ ես քեզի կը հաղորդեմ»։
3Ուստի Յովնան կանգնեցաւ ու Նինուէ գնաց՝ Տէրոջ խօսքին համաձայն։ Նինուէ 3չափազանց մեծ քաղաք մըն էր՝ երեք օրուան ուղեւորութեան տարածութեամբ։
4Յովնան սկսաւ քաղաքը մտնելով գոչել մէկ օրուան ուղեւորութեան ընթացքին. «Դեռ քառասուն օր կայ, ու Նինուէ պիտի կործանի»։
5Նինուէցիները Աստուծոյ հաւատալով՝ ծոմապահութիւն յայտարարեցին ու քուրձ հագան, անոնց մեծերէն մինչեւ պզտիկները։
6Արդարեւ լուրը Նինուէի թագաւորին հասաւ, ան ալ իր գահէն ոտքի ելաւ, վրայէն 4պատմուճանը հանեց եւ քուրձ հագաւ ու մոխիրի վրայ նստաւ։
7Նաեւ Նինուէի մէջ՝ թագաւորին եւ իր մեծամեծներուն հրամանով՝ 5մունետիկին գոչել՝՝ տուաւ ու յայտարարեց. «Մարդ թէ անասուն, արջառ եւ ոչխար թող ոչինչ ուտեն, թող չարածին ու ջուր չխմեն։
8Մարդիկ թէ անասուններ թող քուրձ հագնին եւ ամբողջ ոյժով Աստուծոյ գոչեն։ Իւրաքանչիւրը թող հեռանայ իր չար 6ընթացքէն ու ձեռքերուն մէջ եղած բռնութենէն։
9Ո՞վ գիտէ, թերեւս Աստուած 7հրաժարի եւ արգահատի, իր բորբոքած բարկութիւնը կասեցնէ, ու չկորսուինք»։
10Աստուած տեսաւ թէ անոնք ի՛նչպէս վարուեցան՝ իրենց չար ընթացքէն դարձի գալով. ուստի Աստուած հրաժարեցաւ այն չարիքէն՝ որ յայտարարեր էր թէ անոնց պիտի ընէ, ու զայն չըրաւ։