Lamentations 5

Jeremiah  «  Lamentations 4  ‹  Lamentations 5  ›  Ezekiel 1  »  Ezekiel

ԳՈՒԹԻ ԽՆԴՐԱՆՔ

Յիշէ՛ մեզի եղածը, ո՛վ Տէր. Նկատէ՛ ու տե՛ս մեր նախատինքը։

Մեր ժառանգութիւնը օտարներուն փոխանցուեցաւ, Մեր տուները՝ օտարազգիներուն։

Հայր չունեցող որբեր եղանք. Մեր մայրերը այրիներու պէս են։

Մեր ջուրը դրամով կը խմենք. Մեր փայտը ¹կը գնենք՝՝։

Լուծը մեր վիզին վրայ ըլլալով՝ կը հալածուինք. Կ’աշխատինք ու չենք հանգստանար։

Հացով կշտանալու համար Դէպի Եգիպտոս եւ Ասորեստան ձեռք ²երկարեցինք։

Մեր հայրերը մեղանչեցին, ու չկան. Անոնց անօրէնութիւններուն պատիժը մենք կը կրենք։

Ստրուկներ տիրեցին մեր վրայ. Անոնց ձեռքէն ո՛չ մէկը մեզ կ’ազատէ։

Անապատի սուրին ³պատճառով՝ Մեր կեանքը վտանգելով ներս կը բերենք մեր հացը։

⁴Սովին սաստկութեան՝՝ պատճառով Մեր մորթը փուռի պէս կը բռնկի։

Կիները Սիոնի մէջ լլկեցին, Ու կոյսերը՝ Յուդայի քաղաքներուն մէջ։

Իշխանաւորները ⁵անոնց ձեռքով՝՝ կախուեցան. Երէցներուն ⁶անձը չպատուեցին։

Երիտասարդները երկանաքարեր կրեցին, Եւ տղաները փայտին տակ ⁷ինկան։

Երէցները դադրեցան դուռը նստելէն, Ու երիտասարդները՝ իրենց տաղերգութենէն։

Մեր սիրտին բերկրանքը դադրեցաւ, Մեր պարը սուգի փոխուեցաւ։

Մեր գլուխին պսակը ինկաւ. Հիմա վա՜յ մեզի, քանի որ մեղանչեցինք։

Ասոր համար մեր սիրտը ուժաթափ է, Ասոնց պատճառով մեր աչքերը խաւարած են։

Սիոն լերան պատճառով՝ որ ամայացած է, Աղուէսները կը պտըտին անոր վրայ։

Դո՛ւն, ո՛վ Տէր, յաւիտեան կը մնաս. Քու գահդ ⁸դարէ դար՝՝ կը տեւէ։

Ինչո՞ւ ընդմիշտ մեզ կը մոռնաս, Ու երկար ժամանակ մեզ կը լքես։

Մեզ քեզի՛ վերադարձուր, ո՛վ Տէր, ու պիտի վերադառնանք. Վերանորոգէ՛ մեր օրերը՝ վաղեմի օրերուն պէս։

Սակայն դուն մեզ բոլորովին մերժեցիր, Մեզի դէմ չափազանց զայրացար։