Malachi 1

Zechariah  «  Zechariah 14  ‹  Malachi 1  ›  Malachi 2  »  Matthew

ԱՍՏՈՒԾՈՅ ՍԷՐԸ ԻՍՐԱՅԷԼԻ ՀԱՆԴԷՊ

Մաղաքիայի ¹միջոցով Իսրայէլի տրուած ²Տէրոջ պատգամը.—

«Ես ձեզ սիրեցի,— կը պատգամէ Տէրը,— Սակայն դուք կ’ըսէք. “Մեզ ի՞նչպէս սիրեցիր”։ Միթէ Եսաւ Յակոբի եղբայրը չէ՞ր,— կը յայտարարէ Տէրը.— Յակո՛բը սիրեցի,

Իսկ Եսաւը ատեցի, Անոր լեռները ³ամայութեան վերածեցի՝՝, Եւ անոր ժառանգութիւնը անապատի շնագայլերուն յանձնեցի։

Եթէ Եդովմ ըսէ. “⁴Կործանեցանք, Բայց աւերակները պիտի վերակառուցանենք”, Զօրքերու Տէրը սա՛ կը յայտարարէ. “Թող անոնք կառուցանեն, բայց ես պիտի փլցնեմ. Անոնք պիտի կոչուին. "Ամբարշտութեան հողամաս", Նաեւ. "Ժողովուրդ՝ որու դէմ Տէրը յաւիտեան սրտմտութեամբ լեցուած է"”։

Ձեր աչքերը պիտի տեսնեն, ու պիտի ըսէք. “Տէրը թող մեծնայ Իսրայէլի ⁵հողամասէն անդին՝՝”»։

ԱՍՏՈՒԱԾ ԿԸ ՅԱՆԴԻՄԱՆԷ ՔԱՀԱՆԱՆԵՐԸ

«Որդին իր հայրը կը պատուէ, Ծառան՝ իր տէրը։ Ուրեմն եթէ ես հայր եմ, ո՞ւր է իմ պատիւս. Եթէ տէր եմ, ո՞ւր է իմ երկիւղս,— Կը յայտարարէ զօրքերու Տէրը ձեզի՝ Ո՛վ քահանաներ, որ իմ անունս կ’արհամարհէք, Եւ կ’ըսէք. “Քու անունդ ի՞նչպէս արհամարհեցինք”։—

Իմ զոհասեղանիս վրայ պիղծ հաց կը մատուցանէք, Ու կ’ըսէք. “Քեզ ի՞նչպէս պղծեցինք”։ ” “Տէրոջ սեղանը արհամարհելի է” ըսելով։

Երբ կոյր անասունը իբր զոհ կը մատուցանէք, միթէ չարութիւն չէ՞. Երբ կաղը կամ հիւանդը կը մատուցանէք, միթէ չարութիւն չէ՞։ Եթէ զայն ⁶ընծայես քու կուսակալիդ, Միթէ քեզի պիտի հաւանի՞, Կամ ⁷քեզ սիրով պիտի ընդունի՞ ՝՝», կը յայտարարէ զօրքերու Տէրը։

(Ուրեմն հիմա ⁸պաղատեցէ՛ք Աստուծոյ, Որպէսզի մեզի ողորմի. Ասիկա ձեր ձեռքով եղաւ։) «Միթէ ձեզ սիրով պիտի ընդունի՞,— կը յայտարարէ զօրքերու Տէրը։—

Նոյնիսկ ձեր մէջ ո՞վ դռները ձրի կը գոցէ. Իմ զոհասեղանիս կրակն ալ ձրի չէք վառեր։ Ձեզի չեմ հաճիր,— կը յայտարարէ զօրքերու Տէրը,— Ու ձեր ձեռքէն ընծայ չեմ ⁹ընդունիր։

Արդարեւ արեւելքէն մինչեւ արեւմուտք՝ ¹⁰Ազգերուն մէջ իմ անունս մեծ պիտի ըլլայ. Ամէն տեղ իմ անունիս Խունկ եւ մաքուր ընծայ պիտի մատուցանուի, Որովհետեւ իմ անունս ազգերուն մէջ մեծ պիտի ըլլայ,— կը յայտարարէ զօրքերու Տէրը։—

Բայց դուք զայն կը պղծէք՝ Ըսելով. “Տէրոջ սեղանը պիղծ է, Ու անոր ¹¹բերած կերակուրը՝ արհամարհելի”։

Նաեւ կ’ըսէք. “Այս ի՜նչ տաժանք է”, Եւ անոր վրայ կը փչէք,— կը յայտարարէ զօրքերու Տէրը։— Յափշտակուածը, կաղն ու հիւանդը կը բերէք, Ա՛յդպէս ընծայ կը բերէք. Միթէ զանոնք ձեր ձեռքէն պիտի ¹²ընդունի՞մ,— կը յայտարարէ Տէրը։—

Թող անիծեա՛լ ըլլայ այն նենգ մարդը, Որ իր հօտին մէջ անարատ արու մը ունենալով՝ ուխտ կ’ընէ, Բայց ¹³արատաւորը Տէրոջ կը մատուցանէ իբր զոհ. Որովհետեւ ես մեծ թագաւոր եմ,— կը յայտարարէ զօրքերու Տէրը,— Եւ իմ անունս ահաւոր է ազգերուն մէջ»։