Micah 1

Jonah  «  Jonah 4  ‹  Micah 1  ›  Micah 2  »  Nahum

Տէրոջ խօսքը, որ Յուդայի թագաւորներուն՝ Յովաթամի, Աքազի ու Եզեկիայի օրերը՝ Մորստացի Միքիայի ¹ուղղուեցաւ, եւ ²իրեն տեսիլքով հաղորդուեցաւ՝՝ Սամարիայի ու Երուսաղէմի մասին.

ՈՂԲ ՄԸ ՍԱՄԱՐԻԱՅԻ ՈՒ ԵՐՈՒՍԱՂԷՄԻ ՄԱՍԻՆ

«Լսեցէ՛ք, ո՛վ բոլոր ժողովուրդներ, Ուշադի՛ր եղէք, ո՛վ երկիր եւ անոր ³բոլոր բնակիչները՝՝. Տէրը՝ Եհովան ձեզի դէմ վկայ ըլլայ, Տէրը՝ իր սուրբ տաճարէն։

Արդարեւ ահա՛ Տէրը իր տեղէն կ’ելլէ, Եւ պիտի իջնէ ու երկրի բարձունքներուն վրայ քալէ.

Լեռները անոր տակ պիտի հալին Եւ հովիտները ճեղքուին՝ Կրակին առջեւ հալած մեղրամոմի պէս, Զառիվայրին վրայ թափուած ջուրի պէս։

Այս բոլորը պիտի ըլլան Յակոբի յանցանքին համար, Եւ Իսրայէլի տան մեղքերուն համար։ Յակոբի յանցանքին պատճառը ո՞վ է, Սամարիա չէ՞. Ու Յուդայի բարձր տեղերուն պատճառը ո՞վ է, Երուսաղէմ չէ՞։

Ուստի Սամարիան դաշտի մէջ աւերակի շեղջի ⁴պիտի վերածեմ՝՝, Այգի տնկելու տեղի. Անոր քարերը ձորին մէջ պիտի գլորեմ, Եւ անոր հիմերը պիտի յայտնեմ։

Անոր բոլոր ⁵արձանները պիտի փշրուին, Անոր տրուած բոլոր վարձատրութիւնները կրակով պիտի այրուին, Անոր բոլոր կուռքերը աւերակի պիտի ⁶վերածեմ. Քանի զանոնք պոռնիկի վարձատրութեամբ հաւաքեց, Անոնք պոռնիկի ⁷վարձատրութեան պիտի վերածուին՝՝։

Հետեւաբար պիտի հեծեծեմ ու գոռամ, ⁸Բոպիկ եւ մերկ պիտի շրջիմ. Շնագայլերու պէս կոծ պիտի ընեմ, ու ջայլամներու պէս՝ սուգ.

Որովհետեւ անոր վէրքը մահաբեր է, Ան մինչեւ Յուդա եկաւ, Մինչեւ իմ ժողովուրդիս դուռը հասաւ, մինչեւ Երուսաղէմ»։

ԹՇՆԱՄԻՆ ԿԸ ՄՕՏԵՆԱՅ ԵՐՈՒՍԱՂԷՄԻ

«Գէթի մէջ մի՛ պատմէք ու բնա՛ւ մի՛ լաք. ⁹Բեթափրայի մէջ՝ թաւալէ՛ փոշիի մէջ.

Ո՛վ ¹⁰Սափիրի բնակչուհի, անցի՛ր՝ քու ամօթոյքդ բացուած։ ¹¹Սաանանի բնակչուհին դուրս չ’ելլեր. ¹²Բեթեսէլի կոծին համար իր ¹³նեցուկը ձեզմէ ետ պիտի առնէ։

Արդարեւ ¹⁴Մարոթի բնակչուհին բարիքի կը սպասէ, Բայց չարիք իջաւ Տէրոջմէն՝ մինչեւ Երուսաղէմի դուռը։

Նժոյգը կառքի՛ն լծէ, ո՛վ Լաքիսի բնակչուհի. ¹⁵Դո՛ւն ես՝՝ Սիոնի աղջիկին մեղքին սկզբնապատճառը, Քանի որ քու մէջդ գտնուեցան Իսրայէլի յանցանքները։

Հետեւաբար Մորեսէթ-Գէթի հրաժարումի ընծաներ պիտի տաս. ¹⁶Աքեզիբի տուները Իսրայէլի թագաւորներուն ¹⁷խաբկանք պիտի ըլլան։

Տակաւին ¹⁸քու վրադ տիրապետող՝՝ մը պիտի բերեմ, ո՛վ ¹⁹Մարեսայի բնակչուհի. Իսրայէլի փառքը մինչեւ Ոդողոմ պիտի հասնի։

Կնտա՛կ եղիր ու ²⁰մազե՛րդ կտրէ՝՝ քնքուշ որդիներուդ համար. ²¹Շատցո՛ւր կնտութիւնդ՝ արծիւի պէս, Քանի որ անոնք քեզմէ հեռու տարագրուեցան»։