Nahum 1

Micah  «  Micah 7  ‹  Nahum 1  ›  Nahum 2  »  Habakkuk

ԱՍՏՈՒԾՈՅ ԲԱՐԿՈՒԹԻՒՆԸ ՆԻՆՈՒԷԻ ԴԷՄ

¹Նինուէի պատգամը. Ելկեսացի Նաւումի տեսիլքին գիրքը.—

Եհովան նախանձախնդիր եւ վրէժ առնող Աստուած է. Եհովան վրէժ առնող ու ցասումի տէր է։ Եհովան իր հակառակորդներէն վրէժ կ’առնէ, Իր թշնամիներուն դէմ զայրոյթ կը պահէ։

Եհովան համբերատար է եւ անոր կարողութիւնը մեծ է, Բայց յանցաւորը ամենեւին անպատիժ չի թողուր։ Եհովայի ճամբան փոթորիկի ու մրրիկի մէջ է, Եւ ամպերը անոր ոտքերուն փոշին են։

Ծովուն կը սաստէ ու զայն կը ցամքեցնէ, Բոլոր գետերը կը չորցնէ։ Բասանն ու Կարմեղոսը կ’ուժաթափին, Եւ Լիբանանի ծաղիկը կը թօշնի։

Լեռները անկէ կը ցնցուին ու բլուրները կը հալին. Երկիրը անոր ներկայութենէն կը ²սարսի, Երկրագունդը եւ իր բոլոր բնակիչները։

Անոր սրտմտութեան առջեւ ո՞վ կրնայ դիմանալ, Անոր ³բորբոքած բարկութեան՝՝ դէմ ո՞վ կրնայ կանգնիլ։ Անոր ցասումը կրակի պէս կը թափի, Ու վէմերը անկէ կը խորտակուին։

Եհովան բարի է, տագնապի օրը ամրոց է, Իրեն ապաւինողները կը ճանչնայ.

Բայց ⁴քաղաքը ⁵յորդահոս ողողումով ամբողջովին աւերակ պիտի ընէ, Եւ խաւարը պիտի հալածէ իր թշնամիները։

ՅՈՒԴԱՅԻ

Եհովայի դէմ ի՞նչ կը ⁶նիւթէք. ⁷Բնաջնջողը ի՛նք է. Տագնապը երկրորդ անգամ պիտի ⁸չհասնի։

Արդարեւ անոնք, մինչ փուշերու պէս փաթթուած են, Եւ ⁹իրենց ըմպելիքով գինովցած՝՝, Բոլորովին չորցած խոզանի պէս պիտի սպառին։

ՆԻՆՈՒԷԻ

Եհովայի դէմ չարութիւն մտածող մը ելաւ քեզմէ, ¹⁰Անօրէն խորհրդական մը։

ՅՈՒԴԱՅԻ

Տէրը սա՛ կը յայտարարէ. «Թէպէտ անոնք խաղաղութեան մէջ են, նաեւ բազմաթիւ, Պիտի ¹¹խլուին՝ երբ ան անցնի. Թէպէտ քեզ տառապեցուցի, ա՛լ պիտի չտառապեցնեմ.

Հիմա քու վրայէդ անոր լուծը պիտի ¹²վերցնեմ Ու կապերդ փրցնեմ»։

ՆԻՆՈՒԷԻ

Տէրը քեզի դէմ պատուէր տուաւ.— Անգա՛մ մըն ալ քու անունդ պիտի ¹³չտարածուի։ Քու աստուածներուդ տունէն Քանդակուած ¹⁴կուռքերն ու ձուլածոյ կուռքերը պիտի կոտրտեմ. Զայն քու գերեզմանդ պիտի ընեմ, Քանի որ դուն ¹⁵նուաստ ես»։

ՅՈՒԴԱՅԻ

Ահա՛ լեռներուն վրայ աւետիս բերողին, Խաղաղութիւն ¹⁶քարոզողին ոտքերը։ Կատարէ՛ տօներդ, ո՛վ Յուդա. կատարէ՛ ուխտերդ, Քանի որ ա՛լ քու մէջէդ ¹⁷անօրէն պիտի չանցնի. Ան ամբողջովին բնաջնջուեցաւ։