Nahum 2

Micah  «  Nahum 1  ‹  Nahum 2  ›  Nahum 3  »  Habakkuk

ՆԻՆՈՒԷԻ ԱՆԿՈՒՄԸ ՆԻՆՈՒԷԻ

Խորտակողը քեզի՝՝ դէմ բարձրացաւ. Պահպանէ՛ պատնէշը, դիտէ՛ ճամբան, Ամրացո՛ւր մէջքդ, ¹հաւաքէ՛ ամբողջ՝՝ ոյժդ։

ՅՈՒԴԱՅԻ

Արդարեւ Տէրը Յակոբի մեծափառութիւնը վերադարձուց՝ Իսրայէլի մեծափառութեան պէս, Որովհետեւ ²աւարառուները զանոնք կողոպտած՝՝ էին՝ Անոնց որթատունկին բարունակները աւերելով։

ՆԻՆՈՒԷԻ

Անոր զօրաւորներուն վահանը կարմիր ներկուեցաւ, Անոր կտրիճ մարդիկը ³կարմիր հագան. Անոր պատրաստութեան օրը՝ ⁴կառքերուն պողպատը պիտի փայլի՝՝, ⁵Նիզակները պիտի ճօճին։

Կառքերը փողոցներուն մէջ պիտի մոլեգնին, Հրապարակներուն վրայ պիտի խոյանան. Անոնց երեւոյթը ջահերու պէս պիտի ըլլայ, Եւ փայլակներու պէս պիտի սուրան։

⁶Ան իր երեւելիները պիտի յիշէ. Անոնք քալելու ատեն պիտի գայթին, Պիտի շտապեն դէպի պարիսպը, Ուր ⁷պատսպարանը պիտի պատրաստուի։

Գետերուն առաջնորդող դռները պիտի բացուին, Ու պալատը պիտի ⁸փլչի։

⁹Թէպէտ պահապաններ դրուած են՝՝, ¹⁰ան պիտի տարագրուի, պիտի ¹¹տարուի. Անոր աղախինները իրեն հետ պիտի տարուին՝ իրենց կուրծքը ծեծելով, Աղաւնիի պէս ¹²մնչելով։

Նինուէ շատ ժամանակէ ի վեր առատ ջուրերու աւազանի պէս էր. Սակայն անոնք կը փախչին։ «Կա՛նգ առէք, կա՛նգ առէք», պիտի պոռան. Բայց ո՛չ մէկը ¹³պիտի դառնայ՝՝։

Արծա՛թ կողոպտեցէք, ոսկի՛ կողոպտեցէք, Քանի որ անոր ¹⁴զարդերը ¹⁵անթիւ են, Եւ ամէն տեսակ ցանկալի առարկաներու ¹⁶առատութիւն կայ։

Ան պարպուած, դատարկուած եւ աւերուած է. Սիրտերը կը հալին, ծունկերը կը դողդղան, Բոլոր մէջքերը անձկութեան մէջ են, Ու բոլորին երեսները կը գունատին։

Ո՞ւր է առիւծներուն որջը, Կորիւններուն ¹⁷սննդավայրը, Ուր արու առիւծը, մատակ առիւծն ու առիւծին ձագը կը շրջէին, Եւ ո՛չ մէկը զանոնք կը դողացնէր։

Առիւծը կը բզքտէր իր կորիւնները բաւարարելու համար, Ու կը խեղդէր իր մատակ առիւծներուն համար. Իր ծակերը որսով կը լեցնէր, Եւ որջերը՝ բզքտուած անասուններով։

«Ահա՛ ես քեզի դէմ եմ,— կը պատգամէ զօրքերու Տէրը.— ¹⁸Քու կառքերդ՝՝ պիտի այրեմ ու ծուխի վերածեմ, Սուրը պիտի սպառէ քու կորիւններդ. Քու որսդ երկրի վրայէն պիտի բնաջնջեմ, Եւ պատգամաւորներուդ ձայնը անգա՛մ մըն ալ պիտի չլսուի»։