Proverbs 21

Psalm  «  Proverbs 20  ‹  Proverbs 21  ›  Proverbs 22  »  Ecclesiastes

Թագաւորին սիրտը ջուրի առուներու պէս է Տէրոջ ձեռքին մէջ. Զայն կը հակեցնէ ո՛ր կողմը որ ուզէ։

Մարդուն բոլոր ճամբաները իր աչքերուն ուղիղ կը թուին, Բայց Տէ՛րն է որ սիրտերը կը կշռէ։

Արդարութիւն եւ իրաւունք կիրարկելը՝ Զոհէն աւելի նախընտրելի է Տէրոջ։

Աչքերու գոռոզութիւնն ու հպարտ սիրտը, Նաեւ ամբարիշտներուն ¹ճրագը մեղք են։

Ժիր մարդուն մտածումները ի՛րապէս առատութեան կ’առաջնորդեն, Բայց ամէն փութացող՝ անտարակոյս կարօտութեան կը հասնի։

Ստախօս լեզուով գանձեր վաստկիլը՝ Մահը փնտռողներուն վաղանցիկ ունայնութիւնն է։

Ամբարիշտներուն հասցուցած զրկանքը զիրենք պիտի կորսնցնէ, Որովհետեւ կը մերժեն իրաւունք կիրարկել։

Երբ մարդուն ճամբան ծուռ ըլլայ՝ ²կը խոտորի՝՝. Բայց մաքուր վարքը ուղիղ է։

Աւելի լաւ է տանիքի մը անկիւնը բնակիլ, Քան թէ տուն մը ³բաժնեկցիլ կռուասէր կնոջ մը հետ։

Ամբարիշտ մարդուն անձը չարութեան կը փափաքի, Եւ անոր ընկերը իր ⁴առջեւ ողորմութիւն չի գտներ։

Երբ ծաղրողը պատժուի՝ միամիտը իմաստուն կ’ըլլայ. Երբ իմաստունը ⁵կրթուի՝ գիտութիւն կը ստանայ։

Արդարը ⁶ուշադրութիւն կը դարձնէ՝՝ ամբարիշտին տան, Երբ ամբարիշտները իրենց չարութեան համար տապալին։

Ո՛վ որ իր ականջը կը խցէ՝ չքաւորին աղաղակը չլսելու համար, Ի՛նք ալ պիտի գոչէ, եւ իրեն լսող պիտի չըլլայ։

Ծածկաբար տրուած պարգեւը բարկութիւնը կը մարէ, Ու ծոցը դրուած ⁷ընծան սաստիկ ցասումը կը դադրեցնէ։

Իրաւունք կիրարկելը՝ արդարին ուրախութիւն է, Բայց կործանում կայ անօրէնութիւն գործողներուն։

Ուշիմութեան ճամբայէն մոլորող մարդը՝ Ուրուականներու համախմբումին մէջ պիտի ⁸իջնէ։

Ուրախութիւն սիրողը ⁹կարօտեալ պիտի ըլլայ. Գինին ու իւղը սիրողը չի հարստանար։

Ամբարիշտը արդարին համար փրկանք կ’ըլլայ, Եւ անհաւատարիմը՝ ուղիղներուն համար։

Աւելի լաւ է ¹⁰անապատը բնակիլ, Քան կռուազան ու դիւրագրգիռ կնոջ հետ։

Իմաստունին բնակարանին մէջ ցանկալի գանձ եւ իւղ կան, Բայց անմիտ մարդը ¹¹իր ունեցածը՝՝ կը կլլէ։

Արդարութեան ու կարեկցութեան հետամուտ եղողը՝ Կեանք, արդարութիւն եւ փառք պիտի գտնէ։

Իմաստունը զօրաւորներուն քաղաքը կը բարձրանայ Եւ անոնց ապահովութեան ¹²ամրութիւնը կը փլցնէ։

Իր բերանն ու լեզուն պահողը՝ Իր անձը տագնապներէն կը պահէ։

Հպարտութեամբ եւ ցասումով վարուող մարդը՝ Որ հպարտ ու յանդուգն է, ծաղրող ¹³կը կոչուի՝՝։

Ծոյլին փափաքը զինք կը մեռցնէ, Որովհետեւ անոր ձեռքերը կը մերժեն աշխատիլ.

Ան ամբողջ օրը ¹⁴սաստիկ կը ցանկայ, Իսկ արդարը կու տայ առանց խնայելու։

Ամբարիշտներուն զոհը գարշելի է, Մանաւանդ երբ զայն նենգ մտադրութեամբ կը ¹⁵մատուցանեն։

Սուտ վկան պիտի կորսուի, Բայց լսող մարդը ընդմիշտ պիտի խօսի։

Ամբարիշտ մարդը իր երեսը կը պնդացնէ, Բայց ուղիղը իր ճամբաները կը հաստատէ։

Իմաստութիւն, հանճար կամ խորհուրդ մը չկայ՝ Որ Տէրոջ ¹⁶դիմադրէ։

Ձին պատերազմի օրուան համար պատրաստուած է, Բայց ¹⁷ազատութիւնը Տէրոջմէ՛ն է։