Proverbs 22

Psalm  «  Proverbs 21  ‹  Proverbs 22  ›  Proverbs 23  »  Ecclesiastes

Բարի համբաւը մեծ հարստութենէն նախընտրելի է, Ու շնորհքը արծաթէն եւ ոսկիէն լաւ է։

Հարուստն ու թշուառը իրարու կը հանդիպին. Զանոնք բոլորը Տէ՛րը ¹ստեղծած է։

Խորագէտը չարիքը կը տեսնէ եւ կը ²զգուշանայ, Բայց միամիտները կ’անտեսեն ու կը պատժուին։

Խոնարհութեան եւ Տէրոջ վախին վախճանը՝ Հարստութիւն, փառք ու կեանք է։

Ծուռ մարդուն ճամբային մէջ փուշեր եւ վարմեր կան. Իր անձը պահողը՝ անոնցմէ կը հեռանայ։

Կրթէ՛ ³մանուկը իր ⁴ճամբան սկսած ատենը՝՝, Որպէսզի երբ ծերանայ՝ անկէ չշեղի։

Հարուստը թշուառներուն վրայ կը տիրէ, Ու փոխ առնողը փոխ տուողին ստրուկ կ’ըլլայ։

Անիրաւութիւն սերմանողը ⁵անօրէնութիւն կը հնձէ, Եւ անոր ցասումի գաւազանը պիտի ⁶կորսուի։

Բարեացակամ աչք ունեցողը պիտի օրհնուի, Որովհետեւ իր հացէն չքաւորին կու տայ։

Եթէ ծաղրողը վռնտես՝ ⁷կռիւը ⁸կը հեռանայ՝՝, Բանավէճն ու անարգանքը կը դադրին։

Սիրտի մաքրութիւն սիրողին շրթունքին վրայ շնորհք կայ, Եւ թագաւորը անոր բարեկամ կ’ըլլայ։

Տէրոջ աչքերը գիտութիւնը կը պահպանեն, Բայց ինք անհաւատարիմին խօսքերը կ’եղծանէ։

Ծոյլը կ’ըսէ. «Դուրսը առիւծ կայ, Հրապարակին մէջ պիտի մեռցուիմ»։

Օտար կիներուն բերանը խորունկ փոս է, Տէրոջ ⁹ատելի եղողը՝՝ հոն կ’իյնայ։

¹⁰Մանուկին սիրտին յիմարութիւն կապուած է. Պատիժի գաւազանը զայն իրմէ կը հեռացնէ։

Իր ստացուածքը շատցնելու համար չքաւորը հարստահարողը, Նաեւ հարուստին տուողը՝ անշուշտ կարօտութեան պիտի հասնի։

ԵՐԵՍՈՒՆ ԻՄԱՍՏՈՒՆ ԽՕՍՔԵՐ

Դարձո՛ւր ականջդ ու մտի՛կ ըրէ իմաստուններուն խօսքերը, Եւ ¹¹ուշադրութի՛ւն դարձուր՝՝ իմ գիտութեանս.

Արդարեւ հաճելի պիտի ըլլայ զանոնք քու սիրտիդ մէջ պահել, Անոնք բոլորն ալ քու շրթունքիդ վրայ պիտի հաստատուին։

Ահա՛ այսօր քեզի գիտցուցի այս բաները, Որպէսզի քու վստահութիւնդ Տէրոջ վրայ ըլլայ։

Միթէ ես քեզի ¹²երեսուն խրատ Ու գիտութիւն չգրեցի՞,

Որպէսզի քեզի ¹³ցուցնեմ ճշմարտութեան խօսքերուն ստուգութիւնը, Որպէսզի քեզի ¹⁴հարցնողներուն ճշմարտութեան խօսքերով պատասխանես։

Չքաւորը մի՛ ¹⁵կողոպտեր իր չքաւորութեան համար Ու դժբախտը մի՛ կոխկռտեր ¹⁶դատարանի մէջ.

Որովհետեւ Տէրը անոնց իրաւունքը պիտի պաշտպանէ, Եւ զանոնք կողոպտողներուն ¹⁷անձը պիտի կողոպտէ։

Մի՛ բարեկամանար ¹⁸բարկացող մարդուն՝՝ հետ, Ու մի՛ երթար ցասկոտ մարդուն հետ.

Որպէսզի անոր ուղիները չսորվիս, Եւ անձդ որոգայթի մէջ չբռնուի։

¹⁹Գրաւական տուողներէն՝՝ մի՛ ըլլար, Ո՛չ ալ՝ պարտքի համար երաշխաւոր եղողներէն.

Եթէ վճարելու ²⁰կարողութիւն չունենաս՝՝, Ինչո՞ւ տակէդ քու անկողինդ առնեն։

Մի՛ տեղափոխեր հնադարեան սահմանաքարը, Որ քու հայրերդ ²¹դրած են։

Իր գործին մէջ արագաշարժ մարդ մը կը տեսնե՞ս. Ան թագաւորներո՛ւն պիտի ներկայանայ, Ո՛չ թէ անշուք մարդոց առջեւ կայնի։