Psalm 3
Job « Psalm 2 ‹ Psalm 3 › Psalm 4 » Proverbs
ԱՌՏՈՒԱՆ ԱՂՕԹՔ՝ ՕԳՆՈՒԹԵԱՆ ՀԱՄԱՐ Դաւիթի սաղմոսը, երբ կը փախչէր իր որդիին՝ Աբիսողոմի առջեւէն։
1Ո՛վ Տէր, հակառակորդներս ո՜րչափ շատցան. Ինծի դէմ կանգնողները բազմաթիւ են։
2Շատերը իմ անձիս համար կ’ըսեն. «Աստուծմէ փրկութիւն չկայ ասոր»։ (1Սելա։)
3Բայց, ո՛վ Տէր, դո՛ւն ես իմ վահանս, Իմ փառքս եւ իմ գլուխս բարձրացնողը։
4Իմ ձայնովս Տէրոջ գոչեցի, Եւ իր սուրբ լեռնէն ինծի պատասխանեց։ (Սելա։)
5Ես պառկեցայ ու քնացայ. Արթնցայ, քանի Տէրը ինծի նեցուկ եղաւ։
6Ես պիտի չվախնամ բիւրաւոր ժողովուրդներէն, Որոնք զիս շրջապատեցին։
7Կանգնէ՛, ո՛վ Տէր. փրկէ՛ զիս, ո՛վ իմ Աստուածս. Արդարեւ դո՛ւն զարկիր իմ բոլոր թշնամիներուս այտը, Ամբարիշտներուն ակռաները կոտրտեցիր։
8Փրկութիւնը Տէրոջն է. Քու օրհնութիւնդ ժողովուրդիդ վրայ 2է։ (Սելա։)