Psalm 4
Job « Psalm 3 ‹ Psalm 4 › Psalm 5 » Proverbs
ԻՐԻԿՈՒԱՆ ԱՂՕԹՔ՝ ՕԳՆՈՒԹԵԱՆ ՀԱՄԱՐ Գլխաւոր երաժիշտին. նկինօթի վրայ. Դաւիթի սաղմոսը։
1Երբ գոչեմ՝ պատասխանէ՛ ինծի, ո՛վ իմ արդարութեանս Աստուածը։ Տագնապի մէջ զիս 1սփոփեցիր. Ողորմէ՛ ինծի եւ լսէ՛ իմ աղօթքս։
2Մարդո՛ց որդիներ, մինչեւ ե՞րբ իմ փառքս նախատինքի պիտի վերածէք, Ունայնութիւն պիտի սիրէք ու ստութիւն փնտռէք։ (Սելա։)
3Բայց գիտցէ՛ք թէ Տէրը զատորոշեց իրեն 2նուիրուած մարդը. Տէրը պիտի լսէ՝ երբ իրեն գոչեմ։
43Դողացէ՛ք, եւ մի՛ մեղանչէք. 4Մտածեցէ՛ք ձեր անկողինին վրայ, ու լռեցէ՛ք։ (Սելա։)
5Արդարութեան զոհե՛ր մատուցանեցէք, Եւ Տէրո՛ջ վստահեցէք։
6Շատեր կ’ըսեն. «Ո՞վ մեզի բարօրութիւն պիտի ցուցնէ»։ Ո՛վ Տէր, քու երեսիդ լոյսը 5ծագեցո՛ւր մեր վրայ։
7Իմ սիրտիս ուրախութիւն տուիր՝ Անոնց ցորենին ու քաղցուին առատութեան ժամանակէն աւելի։
8Խաղաղութեամբ պիտի պառկիմ եւ քնանամ, Որովհետեւ դո՛ւն միայն, ո՛վ Տէր, զիս ապահովութեամբ կը բնակեցնես։