Psalm 9

Job  «  Psalm 8  ‹  Psalm 9  ›  Psalm 10  »  Proverbs

ՇՆՈՐՀԱԿԱԼՈՒԹԻՒՆ՝ ԱՍՏՈՒԾՈՅ ԱՐԴԱՐՈՒԹԵԱՆ ՀԱՄԱՐ Գլխաւոր երաժիշտին. Մութ-Լապպէնի վրայ. Դաւիթի սաղմոսը։

Շնորհակալ պիտի ըլլամ Տէրոջմէն իմ ամբողջ սիրտովս. Քու բոլոր սքանչելիքներդ պիտի պատմեմ։

Քեզմով պիտի ուրախանամ եւ հրճուիմ. Քու անունիդ սաղմոս պիտի երգեմ, ո՛վ Ամենաբարձր։

Երբ թշնամիներս նահանջեն՝ Պիտի գայթին ու կորսուին քու ¹առջեւդ,

Որովհետեւ դո՛ւն ²պաշտպանեցիր իրաւունքս եւ դատս, Գահին վրայ բազմեցար իբր արդար դատաւոր։

Հեթանոսները սաստեցիր, Ամբարիշտը կորսնցուցիր, Անոնց անունները ջնջեցիր ³դարէ դար՝՝։

Ո՛վ թշնամի, աւերումները ընդմիշտ վերջացան. Քաղաքներ աւերեցիր, Անոնց յիշատակը իրենց հետ կորսուեցաւ։

Բայց Տէրը յաւիտեան կը գահակալէ. Իր գահը պատրաստած է դատաստանի համար։

Ի՛նք երկրագունդը պիտի դատէ արդարութեամբ, ⁴Ժողովուրդներուն դատը պիտի պաշտպանէ ուղղամտութեամբ։

Տէրը տնանկին ալ պատսպարան պիտի ըլլայ, Պատսպարան՝ տագնապի ժամանակները։

Անոնք որ քու անունդ գիտեն՝ քեզի պիտի վստահին, Որովհետեւ քեզ փնտռողները, ո՛վ Տէր, չլքեցիր։

Սաղմո՛ս երգեցէք Տէրոջ՝ որ Սիոն կը բնակի, Հռչակեցէ՛ք անոր ըրածները ժողովուրդներուն մէջ.

Որովհետեւ ⁵արիւնի վրէժխնդիրը կը յիշէ՝՝, Տառապեալներուն աղաղակը չի մոռնար։

Ո՛վ Տէր, ողորմէ՛ ինծի, Տե՛ս ⁶ոսոխներէս կրած տառապանքս, Դո՛ւն՝ որ զիս մահուան դռներէն կը բարձրացնես,

Որպէսզի քու բոլոր ⁷փառաւոր գործերդ՝՝ պատմեմ Սիոնի աղջիկին դռներուն մէջ. Պիտի խայտամ քու փրկութեամբդ։

Հեթանոսները իրենց պատրաստած փոսին մէջ մխրճուեցան. Իրենց պահած ցանցին մէջ իրենց ոտքը բռնուեցաւ։

Տէրը ճանչցուած է իր գործադրած դատավճիռով. Ամբարիշտը իր ձեռքին գործերով որոգայթին մէջ կ’իյնայ։ (⁸Հիկկայոն։ Սելա։)

Ամբարիշտները ⁹դժոխքը պիտի ¹⁰մղուին, Նաեւ այն բոլոր ազգերը՝ որոնք Աստուած կը մոռնան։

Արդարեւ աղքատը ընդմիշտ պիտի չմոռցուի. Դժբախտներուն յոյսը յաւերժ պիտի չկորսուի։

Կանգնէ՛, ո՛վ Տէր. մարդը թող չզօրանայ. Հեթանոսները թող դատուին քու առջեւդ։

Ո՛վ Տէր, ¹¹վախցո՛ւր զանոնք՝՝. Հեթանոսները թող գիտնան թէ իրենք մարդ են։ (Սելա։)