Psalm 11
Job « Psalm 10 ‹ Psalm 11 › Psalm 12 » Proverbs
ՎՍՏԱՀՈՒԹԻՒՆ ՏԷՐՈՋ ՎՐԱՅ Գլխաւոր երաժիշտին. Դաւիթի սաղմոսը։
1Տէրոջ ապաւինեցայ. Ի՞նչպէս իմ անձիս կ’ըսէք. «Ճնճղուկի պէս թռչէ՛ դէպի ձեր լեռը.
2Որովհետեւ ահա՛ ամբարիշտները աղեղ լարեցին, Իրենց նետերը լարին վրայ հաստատեցին, Որպէսզի մութին մէջ արձակեն սիրտով ուղիղներուն։
3Եթէ հիմերը քանդուին, Արդարը ի՞նչ պիտի ընէ»։
4Տէրը իր սուրբ տաճարին մէջ է. Տէրոջ գահը երկինքն է. Անոր աչքերը կը տեսնեն, Անոր կոպերը կը քննեն մարդոց որդիները։
5Տէրը կը քննէ արդարը. Բայց անոր անձը կ’ատէ ամբարիշտն ու բռնութիւն սիրողը։
6Ամբարիշտներուն վրայ 1վարմեր պիտի տեղացնէ, Հուր, ծծումբ եւ խորշակ. Ա՛յս պիտի ըլլայ անոնց բաժակին բաժինը։
7Քանի որ արդար Տէրը արդարութիւնը կը սիրէ. Անոր երեսը ուղիղին կը նայի։