Psalm 16
Job « Psalm 15 ‹ Psalm 16 › Psalm 17 » Proverbs
ՎՍՏԱՀՈՒԹԵԱՆ ԱՂՕԹՔ Դաւիթի երգը։
1Ո՛վ Աստուած, պահպանէ՛ զիս, Որովհետեւ քեզի ապաւինեցայ։
2Տէրոջ ըսի. «Դո՛ւն ես իմ Տէրս, Առանց քեզի բարիք մը չունիմ»։
3Երկրի վրայ եղող սուրբերուն ու երեւելիներուն ներկայութեան մէջ է իմ ամբողջ հաճոյքս։
4Ուրիշ աստուած մը 1փնտռողներուն ցաւերը պիտի բազմապատկուին. Անոնց արիւնի 2նուէրներ պիտի 3չընծայեմ, Եւ անոնց անունները շրթունքիս վրայ պիտի չառնեմ։
5Տէ՛րն է իմ ժառանգութեանս ու բաժակիս բաժինը. Իմ վիճակս դո՛ւն կը պահես։
6Վիճակներ ելան ինծի հաճելի տեղերու մէջ. Այո՛, գեղեցիկ ժառանգութիւն մը 4տրուեցաւ ինծի՝՝։
7Պիտի օրհնաբանեմ Տէրը՝ որ զիս կը խրատէ. Նաեւ գիշերուան մէջ 5խիղճս զիս կը խրատէ՝՝։
8Տէրը շարունակ իմ առջեւս դրի. Քանի իմ աջ կողմս է, պիտի չսասանիմ։
9Հետեւաբար սիրտս ուրախացաւ ու 6փառքս խայտաց, Մարմինս ալ ապահովութեամբ պիտի հանգչի.
10Որովհետեւ իմ անձս 7դժոխքին մէջ պիտի չլքես, Պիտի չթոյլատրես որ քու 8սուրբդ ապականութիւն տեսնէ։
11Կեանքի ուղին պիտի 9ցուցնես ինծի. Երեսիդ առջեւ ուրախութեան 10յագեցում կայ, Քու աջ կողմդ ընդմիշտ հաճոյքներ կան։