Psalm 20
Job « Psalm 19 ‹ Psalm 20 › Psalm 21 » Proverbs
ԱՂՕԹՔ՝ ՅԱՂԹԱՆԱԿԻ ՀԱՄԱՐ Գլխաւոր երաժիշտին. Դաւիթի սաղմոսը։
1Տէրը թող պատասխանէ քեզի տագնապի օրը , Յակոբի Աստուծոյն անունը թող պաշտպանէ քեզ.
2Սրբարանէն թող օգնութիւն ղրկէ քեզի, Ու Սիոնէն կազդուրէ քեզ։
3Բոլոր ընծաներդ թող յիշէ, Եւ ողջակէզներդ ընդունի։ (Սելա։)
4Սիրտիդ համաձայն թող տայ քեզի, Ու բոլոր 1ծրագիրներդ 2իրագործէ։
5Քու փրկութեամբդ պիտի ցնծանք, Եւ մեր Աստուծոյն անունով դրօշ բարձրացնենք։ Տէրը թող իրագործէ բոլոր խնդրանքներդ։
6Հիմա գիտցայ թէ Տէրը կ’ազատէ իր օծեալը, Անոր կը պատասխանէ իր սուրբ երկինքէն՝ Իր աջ ձեռքին փրկարար զօրութեամբ։
7Ոմանք կառքերու կ’ապաւինին, ոմանք ալ՝ ձիերու. Բայց մենք Տէրոջ՝ մեր Աստուծոյն անունը պիտի յիշենք։
8Անոնք կքեցան եւ ինկան, Բայց մենք կանգնեցանք ու շիտակ կայնեցանք։
93Ո՛վ Տէր, փրկէ՛ թագաւորը. Պատասխանէ՛ մեզի այն օրը՝ երբ գոչենք՝՝։