Psalm 21
Job « Psalm 20 ‹ Psalm 21 › Psalm 22 » Proverbs
ՓԱՌԱԲԱՆՈՒԹԻՒՆ՝ ՅԱՂԹԱՆԱԿԻ ՀԱՄԱՐ Գլխաւոր երաժիշտին. Դաւիթի սաղմոսը։
1Ո՛վ Տէր, քու զօրութեամբդ թագաւորը պիտի ուրախանայ, Ու քու փրկութեամբդ ո՜րչափ շատ պիտի խայտայ։
2Անոր սիրտին փափաքը իրեն տուիր, Եւ անոր շրթունքին խնդրանքը չմերժեցիր։ (Սելա։)
3Արդարեւ բարութեան օրհնութիւններով անոր ընդառաջեցիր. Անոր գլուխը զուտ ոսկիէ թագ դրիր։
4Քեզմէ կեանք խնդրեց, Եւ անոր երկար օրեր տուիր՝ 1դարէ դար՝՝։
5Անոր փառքը մեծ է քու փրկութեամբդ. Փառաւորութիւն ու վայելչութիւն դրիր անոր վրայ։
6Արդարեւ օրհնութիւնները յաւերժ 2հաստատեցիր անոր վրայ, Քու ներկայութեանդ մէջ 3մեծապէս ուրախացուցիր՝՝ զայն.
7Քանի թագաւորը Տէրոջ կը վստահի, Ամենաբարձրին կարեկցութեամբ պիտի չսասանի։
8Քու ձեռքդ պիտի գտնէ բոլոր թշնամիներդ Քու աջ ձեռքդ պիտի գտնէ քեզ ատողները։
9Զանոնք կրակի 4հնոցի պէս պիտի ընես 5երբ երեւնաս՝՝. Տէրը իր բարկութեամբ պիտի 6բնաջնջէ զանոնք, Ու կրակը պիտի սպառէ զանոնք։
10Անոնց 7զաւակները երկրէն պիտի կորսնցնես, Եւ անոնց զարմը՝ մարդոց որդիներէն։
11Եթէ քեզի դէմ չարութիւն 8ծրագրեն Եւ 9նենգութիւն մտածեն, պիտի չկարենան կատարել.
12Արդարեւ դուն անոնց կռնակ դարձնել պիտի տաս, Երբ նետերդ հաստատես լարերուդ վրայ՝ անոնց երեսին դէմ։
13Ո՛վ Տէր, բարձրացի՛ր քու ոյժովդ. Պիտի երգենք ու սաղմոս ըսենք քու զօրութեանդ։