Psalm 25
Job « Psalm 24 ‹ Psalm 25 › Psalm 26 » Proverbs
ԱՂՕԹՔ՝ ԱՌԱՋՆՈՐԴՈՒԹԵԱՆ ԵՒ ԱՊԱՀՈՎՈՒԹԵԱՆ ՀԱՄԱՐ Դաւիթի սաղմոսը։
1Ո՛վ Տէր, իմ անձս քեզի բարձրացուցի.
2Ո՛վ իմ Աստուածս, քեզի վստահեցայ. թող չամչնամ, Ու թշնամիներս ինձմով չհրճուին։
3Քեզի յուսացողներէն ո՛չ մէկը թող ամչնայ. 1Առանց պատճառի՝՝ անհաւատարիմ եղողները թող ամչնան։
4Ո՛վ Տէր, 2ցուցո՛ւր ինծի քու ճամբաներդ, Սորվեցո՛ւր ինծի քու ուղիներդ։
53Առաջնորդէ՛ զիս քու ճշմարտութեանդ մէջ, ու սորվեցո՛ւր ինծի. Արդարեւ դո՛ւն ես իմ փրկութեանս Աստուածը, Քեզի՛ կը սպասեմ ամէն օր։
6Ո՛վ Տէր, յիշէ՛ քու գթութիւններդ եւ կարեկցութիւններդ, Որովհետեւ յաւիտենական են։
7Մի՛ յիշեր մանկութեան մեղքերս ու յանցանքներս, Հապա զի՛ս յիշէ քու կարեկցութեամբդ՝ Քու բարութեանդ պատճառով, ո՛վ Տէր։
8Տէրը բարի եւ ուղիղ է. Հետեւաբար մեղաւորներուն կը սորվեցնէ ճամբան։
9Իրաւունքի մէջ ընթանալ պիտի տայ հեզերուն. Իր ճամբան պիտի սորվեցնէ հեզերուն։
10Տէրոջ բոլոր ուղիները կարեկցութիւն եւ ճշմարտութիւն են՝ Իր ուխտն ու վկայութիւնները պահողներուն։
11Ո՛վ Տէր, քու անունիդ համար Ներէ՛ իմ անօրէնութիւնս, 4որովհետեւ մեծ է։
12Ո՞վ է այն մարդը՝ որ Տէրոջմէն կը վախնայ. Ահա՛ անո՛ր պիտի սորվեցնէ իր ընտրած ճամբան։
13Անոր անձը բարօրութեան մէջ պիտի բնակի, Եւ անոր զարմը երկրին պիտի տիրանայ։
14Տէրոջ մտերմութիւնը իրմէ վախցողներուն հետ է. Իր ուխտը անոնց կը 5սորվեցնէ։
15Աչքերս շարունակ Տէրոջ կը նային, Որովհետեւ ի՛նք ոտքերս ցանցէն պիտի հանէ։
16Ինծի՛ դարձիր ու ողորմէ՛ ինծի, Քանի որ մինակ եւ դժբախտ եմ։
17Սիրտիս տագնապները շատցան. Դո՛ւրս հանէ զիս տուայտանքներէս։
18Նայէ՛ տառապանքիս ու տաժանքիս, Եւ ներէ՛ բոլոր մեղքերս։
19Տե՛ս իմ թշնամիներս, որովհետեւ շատցան, Ու բուռն ատելութեամբ զիս ատեցին։
20Պահպանէ՛ իմ անձս եւ ազատէ՛ զիս. Թող չամչնամ, քանի քեզի ապաւինեցայ։
21Պարկեշտութիւնը եւ ուղղամտութիւնը թող պաշտպանեն զիս, Որովհետեւ քեզի յուսացի։
22Ո՛վ Աստուած, փրկէ՛ Իսրայէլը Իր բոլոր տագնապներէն։