Psalm 26
Job « Psalm 25 ‹ Psalm 26 › Psalm 27 » Proverbs
ԲԱՐԻ ՄԱՐԴՈՒ ՄԸ ԱՂՕԹՔԸ Դաւիթի սաղմոսը։
1Ո՛վ Տէր, դա՛տս պաշտպանէ, Որովհետեւ պարկեշտութեամբս ընթացայ. Տէրոջ վստահեցայ, պիտի չտատանիմ։
2Ո՛վ Տէր, փորձէ՛ զիս, քննէ՛ զիս, Զտէ՛ 1երիկամունքս եւ սիրտս.
3Քանի որ քու կարեկցութիւնդ աչքերուս առջեւ է, Ու քու ճշմարտութեանդ մէջ ընթացայ։
4Ունայն 2մարդոց հետ չնստայ, Եւ 3կեղծաւորներուն 4հետ պիտի չերթամ՝՝.
5Չարագործներուն համախմբումը ատեցի, Եւ ամբարիշտներուն հետ պիտի չնստիմ։
6Ձեռքերս անմեղութեամբ պիտի լուամ, Ու քու զոհասեղանիդ շուրջ պիտի երթամ, ո՛վ Տէր,
7Որպէսզի շնորհակալութեան ձայնը լսել տամ Ու քու բոլոր սքանչելիքներդ պատմեմ։
8Ո՛վ Տէր, սիրեցի քու տանդ 5բնակութիւնը, Քու փառքիդ բնակած տեղը։
9Մի՛ կորսնցներ իմ անձս մեղաւորներուն հետ, Եւ իմ կեանքս՝ արիւնահեղ մարդոց հետ,
10Որոնց ձեռքերուն մէջ լրբութիւն կայ, Ու անոնց աջ ձեռքը կաշառքով լեցուն է։
11Բայց ես պարկեշտութեամբս պիտի ընթանամ. Փրկէ՛ զիս եւ ողորմէ՛ ինծի։
12Իմ ոտքս 6ուղղամտութեան մէջ կը կենայ. Համախմբումներուն մէջ Տէրը պիտի օրհնաբանեմ։