Psalm 29
Job « Psalm 28 ‹ Psalm 29 › Psalm 30 » Proverbs
ՏԷՐՈՋ ՁԱՅՆԸ ՓՈԹՈՐԻԿԻՆ ՄԷՋ Դաւիթի սաղմոսը։
1Տէրո՛ջ տուէք, ո՛վ 1հզօրներու որդիներ, Տէրո՛ջ տուէք փառք ու զօրութիւն։
2Տէրո՛ջ տուէք իր անունին փառքը, Տէրո՛ջ երկրպագեցէք 2սուրբ զարդարանքով՝՝։
3Տէրոջ ձայնը ջուրերուն վրայ է. Փառքի Աստուածը կ’որոտայ։ Տէրը յորդառատ ջուրերու վրայ է.
4Տէրոջ ձայնը ուժեղ է, Տէրոջ ձայնը փառաւոր է։
5Տէրոջ ձայնը մայրիները կը կոտրէ, Ու Տէրը կը կոտրտէ Լիբանանի մայրիները.
6Զանոնք կը ցատկռտեցնէ հորթի պէս, Լիբանանը եւ Սարիոնը՝ 3գոմէշի ձագի պէս։
7Տէրոջ ձայնը կրակի բոցեր կը 4ժայթքեցնէ։
8Տէրոջ ձայնը կը սարսափեցնէ անապատը. Տէրը Կադէսի անապատը կը սարսափեցնէ։
9Տէրոջ ձայնը եղնիկներուն 5ծնանիլ կու տայ, Եւ անտառները կը մերկացնէ. Անոր տաճարին մէջ բոլորն ալ անոր փառքը կը պատմեն։
10Տէրը ջրհեղեղին վրայ կը գահակալէ. Տէրը յաւիտեան կը գահակալէ իբր թագաւոր։
11Տէրը իր ժողովուրդին զօրութիւն պիտի տայ, Տէրը իր ժողովուրդը խաղաղութեամբ պիտի օրհնէ։