Psalm 120

Job  «  Psalm 119  ‹  Psalm 120  ›  Psalm 121  »  Proverbs

ԱՂՕԹՔ՝ ՕԳՆՈՒԹԵԱՆ ՀԱՄԱՐ Աստիճաններուն երգը։

Իմ տագնապիս մէջ Տէրոջ գոչեցի, Ան ալ պատասխանեց ինծի։

Ո՛վ Տէր, ազատէ՛ իմ անձս ստախօս շրթունքէն Ու խաբեբայ լեզուէն։

¹Ո՛վ խաբեբայ լեզու, քեզի ի՞նչ պիտի տրուի, Կամ քեզի ի՞նչ պիտի աւելցուի՝՝.—

Զօրաւոր մարդուն սուր նետերը, Ու գիհիին կայծերը։

Վա՜յ ինծի՝ որ Մոսոքի մէջ պանդխտացայ, Եւ Կեդարի վրաններուն քով բնակեցայ։

Երկար ժամանակ իմ անձս բնակեցաւ Խաղաղութիւնը ատողներուն հետ։

Ես խաղաղութիւնը կը սիրէի. Բայց երբ կը խօսէի այդ մասին, անոնք պատերազմի կողմնակից էին։