Psalm 122
Job « Psalm 121 ‹ Psalm 122 › Psalm 123 » Proverbs
ԵՐՈՒՍԱՂԷՄԻ ՓԱՌՔԸ Դաւիթի աստիճաններուն երգը։
1Ուրախացայ երբ ինծի ըսին. «Երթա՛նք Տէրոջ տունը»։
2Մեր ոտքերը քու դռներուդ մէջ պիտի կայնին, Ո՛վ Երուսաղէմ։
3Երուսաղէմ կառուցանուած է քաղաքի մը պէս, Որուն մասերը իրարու կցուած են։
4Հոն կը բարձրանան տոհմերը, Տէրո՛ջ տոհմերը , Իսրայէլի 1պատուիրածին համաձայն, Տէրոջ անունը ներբողելու համար.
5Որովհետեւ հոն դրուած են դատաստանի գահերը, Դաւիթի տան գահերը։
6Խաղաղութի՛ւն խնդրեցէք Երուսաղէմի համար. Անդորրութիւն թող ունենան քեզ սիրողները։
7Խաղաղութիւն թող ըլլայ պատուարներուդ մէջ, Նաեւ անդորրութիւն՝ պալատներուդ մէջ։
8Իմ եղբայրներուս եւ ընկերներուս համար՝ Հիմա պիտի ըսեմ. «Խաղաղութի՛ւն ըլլայ քու մէջդ»։
9Տէրոջ՝ մեր Աստուծոյն տան պատճառով Քու բարօրութիւնդ պիտի 2ուզեմ։