Psalm 124
Job « Psalm 123 ‹ Psalm 124 › Psalm 125 » Proverbs
ԱՍՏՈՒԱԾ՝ ԺՈՂՈՎՈՒՐԴԻՆ ՊԱՀԱՊԱՆԸ Դաւիթի աստիճաններուն երգը։
1Եթէ Տէրը մեզի հետ չըլլար, — Հիմա Իսրայէլ թող ըսէ —,
2Եթէ Տէրը մեզի հետ չըլլար Երբ մարդիկ մեզի դէմ կանգնեցան,
3Այն ատեն ողջ-ողջ պիտի կլլէին մեզ, Երբ անոնց բարկութիւնը մեր վրայ բորբոքած էր։
4Այն ատեն ջուրերը մեզ պիտի ընկղմէին, Վտակը մեր անձերուն վրայէն պիտի անցնէր.
5Այն ատեն 1փրփրած ջուրերը Մեր անձերուն վրայէն պիտի անցնէին։
6Օրհնեա՜լ ըլլայ Տէրը, Որ մեզ անոնց ակռաներուն չմատնեց իբր որս։
7Մեր անձերը ճնճղուկի պէս խոյս տուին թռչնորսներուն վարմէն. Վարմը 2պատռեցաւ եւ մենք խոյս տուինք։
8Մեր օգնութիւնը Տէրոջ անունովն է, Որ երկինքն ու երկիրը 3ստեղծեց։