Psalm 137
Job « Psalm 136 ‹ Psalm 137 › Psalm 138 » Proverbs
ԻՍՐԱՅԷԼԻ ՈՂԲԸ ՏԱՐԱԳՐՈՒԹԵԱՆ ՄԷՋ
1Հո՛ն, Բաբելոնի գետերուն 1եզերքը, Կը նստէինք ու կու լայինք՝ Սիոնը յիշելով։
2Անոր 2մօտ՝ ուռիներուն վրայ Կախեցինք մեր քնարները,
3Որովհետեւ մեր գերեվարները Հոն մեզմէ երգ մը ուզեցին, Ու մեր 3կողոպտիչները՝ ուրախութիւն, ըսելով. «Երգեցէ՛ք մեզի Սիոնի երգերէն»։
4Տէրոջ երգը ի՞նչպէս երգենք Օտար հողի վրայ։
5Ո՛վ Երուսաղէմ, եթէ քեզ մոռնամ, Իմ աջ ձեռքս իր պաշտօնը թող մոռնայ.
6Իմ լեզուս քիմքիս թող փակչի՝ Եթէ քեզ չյիշեմ, Եթէ Երուսաղէմը իմ գլխաւոր ուրախութենէս Աւելի բարձր 4չհամարեմ։
7Յիշէ՛, ո՛վ Տէր, Եդովմի որդիները, Որոնք՝ Երուսաղէմի օրուան մէջ՝ Կ’ըսէին. «Փլցուցէ՛ք, փլցուցէ՛ք Մինչեւ անոր հիմերը»։
8Ո՛վ Բաբելոնի 5բնաջնջող աղջիկ, Երանի՜ անոր՝ որ քեզի պիտի հատուցանէ 6Մեզի ըրածիդ՝՝ փոխարէնը։
9Երանի՜ անոր՝ որ քու երախաներդ պիտի բռնէ Ու ժայռի վրայ ջախջախէ։