Psalm 140

Job  «  Psalm 139  ‹  Psalm 140  ›  Psalm 141  »  Proverbs

ԱՂՕԹՔ՝ ԱՊԱՀՈՎՈՒԹԵԱՆ ՀԱՄԱՐ Գլխաւոր երաժիշտին. Դաւիթի սաղմոսը։

Ո՛վ Տէր, ազատէ՛ զիս չար մարդէն, Պահպանէ՛ զիս բռնաւոր մարդէն։

Անոնք իրենց սիրտին մէջ չարութեան մասին կը մտածեն, Եւ ¹ամէն ատեն՝՝ պայքարի համար կը զինակցին։

Իրենց լեզուները օձի պէս սրեցին. Քարբի ժահր կայ անոնց շրթունքներուն տակ։ (Սելա։)

Ո՛վ Տէր, պահէ՛ զիս ամբարիշտին ձեռքէն, Պահպանէ՛ զիս բռնաւոր մարդէն, Որոնք մտածեցին ²զիս սայթաքեցնել՝՝։

Ամբարտաւանները ինծի համար վարմ պահեցին ու լարեր դրին. Ցանց փռեցին իմ ճամբայիս վրայ, Որոգայթ դրին ինծի համար։ (Սելա։)

Տէրոջ ըսի. «Դո՛ւն ես իմ Աստուածս»։ Ո՛վ Տէր, ունկնդրէ՛ աղաչանքիս ձայնը։

Ով՛ Տէր Եհովա, իմ փրկութեանս զօրութիւնը, Դո՛ւն իմ գլուխիս ³հովանի եղար պայքարին օրը։

Ո՛վ Տէր, ⁴մի՛ գոհացներ՝՝ ամբարիշտին փափաքները, Մի՛ յաջողցներ անոր նենգ մտադրութիւնը, Որ իրենք զիրենք չբարձրացնեն։ (Սելա։)

Զիս շրջապատողներուն գլուխը՝ Իրենց շրթունքներուն անիրաւութիւնը թող ⁵ծածկէ։

Հրավառ կայծեր թող ⁶իյնան անոնց վրայ. Թող ձգէ զանոնք կրակի մէջ, Խորունկ ջուրերու մէջ, որ վերստին չկանգնին։

⁷Չարախօս մարդը երկրի վրայ պիտի չհաստատուի. Ձախորդութիւնը պիտի հալածէ բռնաւոր մարդը, Որպէսզի զայն տապալէ։

Գիտեմ թէ Տէրը պիտի ⁸պաշտպանէ դժբախտին դատը Եւ աղքատներուն իրաւունքը։

Անկասկած արդարները քու անունդ պիտի ներբողեն. Ուղիղները ներկայութեանդ մէջ պիտի բնակին։