Psalm 146
Job « Psalm 145 ‹ Psalm 146 › Psalm 147 » Proverbs
ՓՐԿԻՉ ԱՍՏՈՒԾՈՅ ՓԱՌՔԸ
1Ալէլուիա՜։ Գովաբանէ՛ Տէրը, ո՛վ իմ անձս։
2Տէրը պիտի գովաբանեմ իմ կեանքիս մէջ, Որքան ատեն որ ապրիմ՝ իմ Աստուծոյս սաղմոս պիտի ըսեմ։
3Մի՛ վստահիք ազնուականներուն, Մարդու որդիին՝ որուն քով 1օգնութիւն չկայ.
4Անոր հոգին 2կ’երթայ, ան իր հողը կը վերադառնայ, Նոյն օրը անոր խորհուրդները կը կորսուին։
5Երանի՜ անոր՝ որուն օգնականը Յակոբի Աստուածն է, Եւ անոր յոյսը Տէրոջ՝ իր Աստուծոյն վրայ է,
6Որ 3ստեղծեց երկինքն ու երկիրը, Ծովը եւ ամէն ինչ որ անոնց մէջ է։ Ինք ճշմարտութիւնը յաւիտենապէս կը պահէ,
7Հարստահարուածներուն իրաւունքը կը 4պաշտպանէ, Եւ անօթիներուն հաց կու տայ։ Տէրը կ’արձակէ բանտարկեալները,
8Տէրը կը բանայ կոյրերուն աչքերը, Տէրը կը կանգնեցնէ կքածները, Տէրը կը սիրէ արդարները,
9Տէրը կը պահպանէ գաղթականները, Կը հաստատէ որբն ու այրին, Բայց կը 5խափանէ ամբարիշտներուն ճամբան։
10Տէ՛րը պիտի թագաւորէ յաւիտենապէս, Քու Աստուա՛ծդ, ո՛վ Սիոն, սերունդէ սերունդ։ Ալէլուիա՜։