Psalm 148
Job « Psalm 147 ‹ Psalm 148 › Psalm 149 » Proverbs
ՏԻԵԶԵՐԱԿԱՆ ԿՈՉ՝ ԱՍՏՈՒԱԾ ՓԱՌԱԲԱՆԵԼՈՒ
1Ալէլուիա՜։ Գովաբանեցէ՛ք Տէրը երկինքէն. Գովաբանեցէ՛ք զայն բարձր վայրերուն մէջ։
2Գովաբանեցէ՛ք զայն, ո՛վ անոր բոլոր հրեշտակները, Գովաբանեցէ՛ք զայն, ո՛վ անոր բոլոր զօրքերը։
3Գովաբանեցէ՛ք զայն, ո՛վ արեւ եւ լուսին. Գովաբանեցէ՛ք զայն, ո՛վ բոլոր փայլուն աստղեր։
4Գովաբանեցէ՛ք զայն՝ ո՛վ երկինքներու երկինք, Ու երկինքէն վեր եղող ջուրեր։
5Տէրոջ անունը թող գովաբանեն, Որովհետեւ ինք պատուիրեց, եւ անոնք ստեղծուեցան.
6Զանոնք 1դարէ դար՝՝ 2հաստատեց, Կանոն դրաւ՝ որ 3անխափանելի է։
7Գովաբանեցէ՛ք Տէրը երկրէն՝ Ո՛վ վիշապներ ու բոլոր անդունդներ,
8Կրակ եւ կարկուտ, ձիւն ու մշուշ, Եւ անոր հրահանգը գործադրող մրրկալից հով,
9Լեռներ եւ բոլոր բլուրներ, Պտղատու ծառեր ու բոլոր մայրիներ,
10Գազաններ եւ բոլոր անասուններ, Սողուններ ու թեւաւոր թռչնազգիներ,
11Երկրի թագաւորներ եւ բոլոր 4ժողովուրդներ, Իշխանաւորներ ու երկրի բոլոր դատաւորներ,
12Երիտասարդներ եւ կոյսեր, Ծերեր ու տղաներ։
13Բոլորը թող գովաբանեն Տէրոջ անունը, Որովհետեւ միայն անոր անունը վսեմ է. Անոր փառաւորութիւնը երկրէն ու երկինքէն 5վեր է։
14Ի՛նք բարձրացուց իր ժողովուրդին եղջիւրը, Իր բոլոր բարեպաշտներուն, Իր մօտը եղող ժողովուրդին՝ Իսրայէլի որդիներուն գովաբանութիւնը։ Ալէլուիա՜։