Psalm 149
Job « Psalm 148 ‹ Psalm 149 › Psalm 150 » Proverbs
ՓԱՌԱԲԱՆՈՒԹԵԱՆ ԵՐԳ
1Ալէլուիա՜։ Նո՛ր երգ երգեցէք Տէրոջ, Երգեցէ՛ք անոր գովաբանութիւնը՝ բարեպաշտներուն համախմբումին մէջ։
2Իսրայէլ թող ուրախանայ իր Արարիչով. Սիոնի որդիները թող խայտան իրենց Թագաւորով։
3Պարով թող գովաբանեն անոր անունը, Թմբուկով ու քնարով սաղմոս թող ըսեն անոր,
4Որովհետեւ Տէրը իր ժողովուրդին կը հաճի, Հեզերը փրկութեամբ պիտի փառաւորէ։
5Բարեպաշտները փառքով թող հրճուին, Եւ իրենց անկողինին մէջ ցնծան.
6Աստուծոյ գովաբանութիւնները անոնց բերանին մէջ թող ըլլան, Ու երկսայրի սուր մը՝ անոնց ձեռքին մէջ,
7Որպէսզի հեթանոսներէն վրէժ առնեն, Ու 1ժողովուրդները 2պատժեն.
8Որպէսզի անոնց թագաւորները շղթաներով կապեն, Եւ անոնց 3ազնուականները՝ երկաթէ կապանքներով,
9Որպէսզի գրուած դատավճիռը անոնց վրայ գործադրեն։ Այս փառաւորութիւնը իր բոլոր բարեպաշտներուն համար է։ Ալէլուիա՜։