Song of Solomon 2

Ecclesiastes  «  Song of Solomon 1  ‹  Song of Solomon 2  ›  Song of Solomon 3  »  Isaiah

Ես Սարոնի նարկիսն եմ, Ու հովիտներուն շուշանը։

ՍԻՐԱԿԱՆԸ

Ինչպէս է շուշանը ¹մոշենիներուն մէջ, Այնպէս է իմ սիրուհիս աղջիկներուն մէջ։

ՍԻՐՈՒՀԻՆ

Ինչպէս է խնձորենին անտառի ծառերուն մէջ, Այնպէս է իմ սիրականս ²երիտասարդներուն մէջ. Անոր հովանիին տակ ³ցանկալի է նստիլ՝՝, Եւ անոր պտուղը քաղցր է իմ քիմքիս։

Զիս ⁴խնճոյքին տունը տարաւ., Ու վրաս իր սիրոյ դրօշը պարզեց։

Նեցո՛ւկ եղէք ինծի չամիչով կարկանդակներով, Ուժովցուցէ՛ք զիս խնձորներով, Որովհետեւ ես սիրով հիւանդ եմ։

Անոր ձախ ձեռքը իմ գլուխիս տակ ըլլայ, Եւ աջ ձեռքը զիս գրկէ։

ՍԻՐԱԿԱՆԸ

Ո՛վ Երուսաղէմի աղջիկներ, Ձեզ այծեամներով կամ դաշտի եղնիկներով կ’երդմնեցնեմ, Որ ⁵սիրուհիս չսթափեցնէք եւ չարթնցնէք, Մինչեւ որ ինք փափաքի։

ԵՐԿՐՈՐԴ ԵՐԳ ՍԻՐՈՒՀԻՆ

Իմ սիրականիս ձայնն է. Ահա՛ ան կու գայ՝ լեռներուն վրայէն ոստոստելով, Ու բլուրներուն վրայէն ցատկռտելով.

Իմ սիրականս այծեամի կամ եղնիկի ձագի կը նմանի։ Ահա՛ հիմա մեր պատին ետեւը կայնած է, Պատուհաններէն կը նայի, Վանդակներէն կ’երեւնայ։

Իմ սիրականս պատասխանելով ինծի ըսաւ. «Կանգնէ՛, իմ սիրուհիս, իմ գեղեցիկս, ու եկո՛ւր.

(ՍԻՐԱԿԱՆԸ)

Որովհետեւ ահա՛ ձմեռը անցաւ, Տեղատարափները անցան գացին։

Գետինին վրայ ծաղիկներ կ’երեւնան, ⁶Դայլայլի ատենը հասաւ, Ու մեր երկրին մէջ տատրակին ձայնը կը լսուի։

Ահա՛ թզենին իր խակ թուզերը կը հասունցնէ, Եւ ծաղկած որթատունկերը իրենց բուրմունքը ⁷կ’արձակեն։ Կանգնէ՛, իմ սիրուհիս, իմ գեղեցիկս, ու եկո՛ւր։

Ո՛վ իմ աղաւնիս, որ կը կենաս ժայռի խորշերուն մէջ, Ցից ժայռին ծածկոյթին տակ, ⁸Դէ՛մքդ ցուցուր ինծի, ձա՛յնդ լսել տուր ինծի, Որովհետեւ ձայնդ քաղցր է, ու դէմքդ՝ ⁹գեղեցիկ»։

ԵՐՈՒՍԱՂԷՄԻ ԱՂՋԻԿՆԵՐԸ

Բռնեցէ՛ք մեզի աղուէսները, Այգիները փճացնող պզտիկ աղուէսները, Քանի մեր այգիները ծաղկած են։

ՍԻՐՈՒՀԻՆ

Իմ սիրականս իմս է, ու ես անո՛րն եմ։ Ան իր հօտը շուշաններու մէջ կ’արածէ։

Դեռ օրը չզովացած եւ ստուերները ¹⁰չհեռացած՝ Վերադարձի՛ր, ո՛վ իմ սիրականս, Ու նմանէ՛ Բեթերի լեռներուն վրայի այծեամին Կամ եղնիկներու ձագին։