Song of Solomon 3
Ecclesiastes « Song of Solomon 2 ‹ Song of Solomon 3 › Song of Solomon 4 » Isaiah
(ՍԻՐՈՒՀԻՆ)
1Իմ անձիս սիրածը փնտռեցի Գիշերը՝ անկողինիս մէջ. Զայն փնտռեցի, բայց չգտայ։
2Հիմա կանգնիմ, շրջիմ քաղաքին մէջ, Փողոցներուն ու հրապարակներուն մէջ Իմ անձիս սիրածը փնտռեմ. Զայն փնտռեցի, բայց չգտայ։
3Քաղաքին մէջ շրջող պահապանները զիս գտան, որոնց ըսի. «Արդեօք իմ անձիս սիրածը տեսա՞ք»։
4Հազիւ անոնցմէ 1հեռանալով՝ Իմ անձիս սիրածը գտայ։ Զայն բռնեցի ու չթողուցի՝ Մինչեւ որ իմ մօրս տունը տարի, Զիս ծնանողին ներքին սենեակը։
ՍԻՐԱԿԱՆԸ
5Ո՛վ Երուսաղէմի աղջիկներ, Ձեզ այծեամներով կամ դաշտի եղնիկներով կ’երդմնեցնեմ, Որ 2սիրուհիս չսթափեցնէք եւ չարթնցնէք՝ Մինչեւ որ ինք փափաքի։
ԵՐՐՈՐԴ ԵՐԳ ԵՐՈՒՍԱՂԷՄԻ ԱՂՋԻԿՆԵՐԸ
6Ո՞վ է ասիկա՝ որ անապատէն կը բարձրանայ Ծուխի սիւներու պէս, Զմուռսով եւ կնդրուկով բուրուած, Նաեւ վաճառականներու ամէն տեսակ փոշիներով։
ՍԻՐՈՒՀԻՆ
7Ահա՛ Սողոմոնի 3գահոյքը, Որուն շուրջը Իսրայէլի զօրաւորներէն Վաթսուն զօրաւոր կայ։
8Բոլորն ալ սուսերաւոր Ու պատերազմի վարժուած են։ Գիշերուան երկիւղին համար՝ Իւրաքանչիւրին սուրը իր ազդրին վրայ է։
9Սողոմոն թագաւորը Լիբանանի փայտէն Գահաւորակ մը շինեց իրեն համար։
10Անոր սիւները արծաթէ շինեց, յենարանը՝ ոսկիէ, Բազմոցը՝ 4ծիրանիէ. Անոր մէջտեղի բանուածքը՝ Երուսաղէմի աղջիկներուն սիրոյ գործն էր։
11Ո՛վ Սիոնի աղջիկներ, դո՛ւրս ելէք Եւ նայեցէ՛ք Սողոմոն թագաւորին, Այն թագով՝ որով իր մայրը զինք 5պսակեց իր փեսայութեան օրը, Իր սիրտին ուրախութեան օրը։