Song of Solomon 5

Ecclesiastes  «  Song of Solomon 4  ‹  Song of Solomon 5  ›  Song of Solomon 6  »  Isaiah

ՍԻՐԱԿԱՆԸ

Իմ պարտէզս եկայ, ո՛վ հարս քոյրս. Իմ զմուռսս բուրաւէտ համեմներուս հետ ժողվեցի, Իմ խորիսխս մեղրիս հետ կերայ, Իմ գինիս կաթովս խմեցի։ Կերէ՛ք, ո՛վ բարեկամներ. Խմեցէ՛ք ու գինովցէ՛ք, ո՛վ սիրելիներ։

ԵՐՈՒՍԱՂԷՄԻ ԱՂՋԻԿՆԵՐԸ ՉՈՐՐՈՐԴ ԵՐԳ ՍԻՐՈՒՀԻՆ

Ես կը քնանայի, բայց սիրտս արթուն էր։ Ահա՛ իմ սիրականիս ձայնն է. դուռը կը զարնէ ու կ’ըսէ. իմ քոյրս, իմ սիրուհիս, Իմ աղաւնիս, իմ կատարեալս, բա՛ց ինծի. Քանի որ գլուխս ցօղով լեցուած է, Ու գանգուրներս՝ գիշերուան կաթիլներով»։

(ՍԻՐԱԿԱՆԸ) «Ո՛վ (ՍԻՐՈՒՀԻՆ)

«Իմ պատմուճանս հաներ եմ, Զայն ի՞նչպէս հագնիմ. Ոտքերս լուացեր եմ, Զանոնք ի՞նչպէս աղտոտեմ»։

Իմ սիրականս ձեռքը դրան ծակէն երկարեց, Ուստի իրեն համար ընդերքս ալեկոծեցաւ։

Կանգնեցայ՝ որ սիրականիս բանամ դուռը. Ձեռքերէս զմուռս կաթեցաւ, ու մատներէս զմուռս ¹հոսեցաւ Կղպանքին ²բռնակին վրայ։

Իմ սիրականիս բացի, Բայց սիրականս քաշուեր ³գացեր էր։ Մինչ ինք կը խօսէր, իմ անձս ⁴նուաղեցաւ. Զինք փնտռեցի, բայց չգտայ. Զինք կանչեցի, բայց ինծի չպատասխանեց։

Քաղաքին մէջ շրջող պահապանները զիս գտան, Զարկին ինծի ու վիրաւորեցին զիս. Պարիսպին պահապանները քօղս վրայէս հանեցին։

Ո՛վ Երուսաղէմի աղջիկներ, ձեզ կ’երդմնեցնեմ, Եթէ իմ սիրականս գտնէք՝ Անոր իմացուցէ՛ք թէ ես սիրով հիւանդ եմ։

ԵՐՈՒՍԱՂԷՄԻ ԱՂՋԻԿՆԵՐԸ

Ո՛վ կիներուն գեղեցկագոյնը, Քու սիրականդ ուրիշ սիրականէ աւելի ի՞նչ ունի։ Քու սիրականդ ուրիշ սիրականէ աւելի ի՞նչ ունի, Որ մեզ այդպէս կ’երդմնեցնես։

ՍԻՐՈՒՀԻՆ

Իմ սիրականս սպիտակաթոյր ու շէկ է, ⁵Նշանաւոր՝ տասը հազարի մէջ։

Անոր գլուխը ⁶շատ զուտ ոսկի է. Գանգուրները կը ծածանին, եւ ագռաւի պէս սեւ են։

Աչքերը աղաւնիներու պէս են՝ ջուրի վտակներու քով, Կաթով լուացուած, ⁷Լաւ ագուցանուած գոհարներու պէս՝՝։

Անոր այտերը բուրաւէտ համեմներու ածուին պէս են, ⁸Հոտաւէտ ծաղիկներու թաղարներուն՝՝ պէս. Շրթունքը ⁹հոսուն զմուռս կաթեցնող շուշան է։

Ձեռքերը ոսկի ապարանջաններ են՝ ¹⁰Ոսկեքարերով ագուցանուած. ¹¹Փորը յղկուած փղոսկր է՝ Շափիւղաներով ծածկուած։

Սրունքները մարմարէ սիւներ են՝ Զուտ ոսկիէ խարիսխներու վրայ հաստատուած։ Տեսքը Լիբանանի պէս է, Մայրիներուն պէս ընտիր։

Անոր քիմքը ¹²քաղցր է, Եւ ինք՝ ամբո՛ղջ էութեամբ ցանկալի։ Ա՛յսպէս է իմ սիրականս, ա՛յսպէս է իմ բարեկամս, Ո՛վ Երուսաղէմի աղջիկներ։