Zechariah 3

Haggai  «  Zechariah 2  ‹  Zechariah 3  ›  Zechariah 4  »  Malachi

ՔԱՀԱՆԱՅԱՊԵՏԻՆ ՏԵՍԻԼՔԸ

Տէրը ինծի ցուցուց քահանայապետը՝ Յեսուն, որ Տէրոջ հրեշտակին առջեւ կայնած էր. ¹Սատանան ալ անոր աջ կողմը կայնած էր՝ անոր ընդդիմանալու համար։

²Տէրոջ հրեշտակը՝՝ Սատանային ըսաւ. «Տէրը թող սաստէ քեզ, ո՛վ Սատանայ։ Երուսաղէմը ընտրող Տէրը թող սաստէ քեզ. միթէ ասիկա կրակէն ազատուած ³խանձող չէ՞»։

Յեսու աղտոտ հագուստներ հագած էր, եւ հրեշտակին առջեւ կը կայնէր։

⁴Ան ալ իր առջեւ կայնողներուն խօսեցաւ՝ ըսելով. «Հանեցէ՛ք աղտոտ հագուստները ատոր վրայէն»։ Յետոյ անոր ըսաւ. «Նայէ՛, քու անօրէնութիւնդ վրայէդ ⁵հանեցի, ու քեզի պատուական զգեստներ պիտի հագցնեմ»։

Ես ալ ըսի. «Անոր գլուխը մաքուր խոյր թող դնեն»։ Ուստի անոր գլուխը մաքուր խոյր դրին, եւ անոր հագուստներ հագցուցին. Տէրոջ հրեշտակը հոն կայնած էր։

Տէրոջ հրեշտակը Յեսուն ազդարարեց՝ ըսելով. «Զօրքերու Տէրը սա՛ կը յայտարարէ.

“Եթէ իմ ճամբաներուս մէջ քալես ու պաշտօնս կատարես, իմ տունս ալ պիտի դատես եւ գաւիթներուս վրայ ալ պիտի հսկես. ես ալ քեզ պիտի կարգեմ այս կայնողներուն մէջ՝ որ ընթանաս անոնց հետ”։

Ուրեմն մտի՛կ ըրէ, ո՛վ Յեսու քահանայապետ, դուն եւ առջեւդ նստող ընկերներդ, քանի որ անոնք ⁶նշան ըլլալիք մարդիկ են. որովհետեւ ահա՛ ես իմ ծառաս՝ Շառաւիղը պիտի բերեմ։

Արդարեւ ահա՛ Յեսուի առջեւ դրած ⁷քարիս վրայ եօթը աչք պիտի ըլլայ. ահա՛ ե՛ս պիտի փորագրեմ անոր ⁸արձանագրութիւնը,— կը պատգամէ զօրքերու Տէրը,— եւ այդ երկրին անօրէնութիւնը մէկ օրուան մէջ պիտի ⁹դադրեցնեմ։

Այդ օրը,— կը պատգամէ զօրքերու Տէրը,— ձեզմէ իւրաքանչիւրը իր ընկերը պիտի հրաւիրէ իր որթատունկին ու թզենիին տակ”»։