Zechariah 13

Haggai  «  Zechariah 12  ‹  Zechariah 13  ›  Zechariah 14  »  Malachi

Այդ օրը աղբիւր մը պիտի ¹բխի Դաւիթի տան ու Երուսաղէմի բնակիչներուն համար, ²Որպէսզի մեղքէն ու կեղտէն մաքրուին՝՝։

«Այդ օրը,— կը պատգամէ զօրքերու Տէրը,— Կուռքերուն անունները երկրէն պիտի ջնջեմ, Եւ անգա՛մ մըն ալ պիտի չյիշատակուին։ Անոնց մարգարէներն ու ³պիղծ ոգին ալ երկրէն պիտի ⁴հանեմ։

Հետեւաբար եթէ մէկը դարձեալ մարգարէանայ, Զինք ծնանող հայրն ու մայրը իրեն պիտի ըսեն. “Պիտի չապրիս, քանի որ Տէրոջ անունով սուտ կը խօսիս”. Ուստի անոր մարգարէացած ատենը՝ Զինք ծնանող հայրն ու մայրը զայն պիտի խոցեն։

Այդ օրը մարգարէները պիտի ամչնան՝ իւրաքանչիւրը իր տեսիլքէն, Երբ մարգարէանան. Ա՛լ մազոտ վերարկու պիտի չհագնին՝ ⁵խաբելու համար,

Հապա անոնցմէ իւրաքանչիւրը պիտի ըսէ. “Ես մարգարէ չեմ. ես հողամշակ եմ, Քանի որ իմ երիտասարդութենէս ի վեր ⁶ստացուածք ունիմ՝՝”։

Երբ անոր ըսուի. “Ի՞նչ են այս վէրքերը՝ ձեռքերուդ ⁷վրայ”, Ինք պիտի պատասխանէ. “⁸Ասոնք ընդունած վէրքերս են՝՝ իմ ⁹բարեկամներուս տան մէջ”»։

«Արթնցի՛ր, ո՛վ սուր, իմ հովիւիս դէմ, Իմ ¹⁰ընկերս եղող ¹¹մարդուն դէմ,— կը պատգամէ զօրքերու Տէրը.— Զա՛րկ հովիւը, որ ոչխարները ցրուին, Եւ իմ ձեռքս փոքրերուն դէմ դարձնեմ»։

ԱՍՏՈՒԾՈՅ ՀՈՎԻՒԸ ՍՊԱՆՆԵԼՈՒ ՀՐԱՄԱՆ

«Ամբողջ երկրին մէջ,— կը պատգամէ Տէրը,— Երկու ¹²երրորդը անոր մէջ պիտի կոտորուի ու ¹³պիտի մեռնի՝՝, Բայց մէկ երրորդը պիտի մնայ անոր մէջ։

Այդ մէկ երրորդը ¹⁴կրակէն պիտի անցընեմ՝՝. Զանոնք պիտի զտեմ՝ ինչպէս արծաթը կը զտուի. Զանոնք պիտի փորձարկեմ՝ ինչպէս ոսկին կը փորձարկուի։ Անոնք իմ անունս պիտի կանչեն, Ու ես անոնց պիտի պատասխանեմ։ Ես պիտի ըսեմ. “Ան իմ ժողովուրդս է”. Անոնք ալ պիտի ըսեն. “Տէրը ¹⁵մեր Աստուածն՝՝ է”»։