Zechariah 14

Haggai  «  Zechariah 13  ‹  Zechariah 14  ›  Malachi 1  »  Malachi

ԵՐՈՒՍԱՂԷՄ ԵՒ ԱԶԳԵՐԸ

Ահա՛ Տէրոջ օրը կու գայ, Եւ աւարդ պիտի բաժնուի քու մէջդ։

Արդարեւ բոլոր ազգերը պիտի հաւաքեմ Երուսաղէմի դէմ՝ պատերազմի համար. Քաղաքը պիտի գրաւուի, Տուները պիտի կողոպտուին, Կիները պիտի լլկուին, Ու քաղաքին կէսը տարագրութեան պիտի ¹երթայ, Բայց ժողովուրդին մնացորդը քաղաքէն պիտի չբնաջնջուի։

Ապա Տէրը դուրս պիտի ելլէ, Եւ պիտի պայքարի այդ ազգերուն դէմ, Ինչպէս պատերազմին օրը պայքարեցաւ։

Այդ օրը անոր ոտքերը Պիտի կենան Ձիթենիներու լերան վրայ, Որ Երուսաղէմի դիմաց է՝ դէպի արեւելք։ Ձիթենիներու լեռը կէսէն պիտի ճեղքուի՝ դէպի արեւելք ու դէպի արեւմուտք, Եւ յոյժ մեծ ձոր մը պիտի գոյանայ. Լերան կէսը դէպի հիւսիս պիտի հեռանայ, ²Միւս կէսը՝ դէպի հարաւ,

Ու դուք Լեռներուն ձորէն պիտի փախչիք, Քանի որ Լեռներուն ձորը մինչեւ Ասալ պիտի հասնի։ Դուք պիտի փախչիք՝ ինչպէս երկրաշարժէն փախաք Յուդայի թագաւորին՝ Ոզիայի օրերը։ Յետոյ Տէրը՝ իմ Աստուածս պիտի գայ ³Իր բոլոր սուրբերով՝՝։

Այդ օրը լոյս պիտի չըլլայ, ⁴Հապա՝ ցուրտ ու սառ՝՝։

Ատիկա Տէրոջմէն գիտցուած միակ օր մը պիտի ըլլայ, Ո՛չ ցերեկ, ո՛չ ալ գիշեր. Սակայն իրիկուան ատենը լոյս պիտի ըլլայ։

Այդ օրը Երուսաղէմէն կենարար ջուրեր պիտի ⁵հոսին, Կէսը՝ դէպի արեւելեան ծովը, Կէսը՝ դէպի արեւմտեան ծովը. Ամառ ու ձմեռ այդպէս պիտի ըլլայ։

Տէրը ամբողջ ⁶երկրագունդին վրայ թագաւոր պիտի ըլլայ. Այդ օրը մէ՛կ Տէր պիտի ըլլայ, անոր անունն ալ՝ մէկ։

Ամբողջ երկիրը դաշտի պիտի վերածուի՝ Գաբաայէն մինչեւ Ռեմոն, Երուսաղէմի հարաւային կողմը։ ⁷Երուսաղէմը պիտի բարձրանայ եւ իր տեղը մնայ՝ Բենիամինի դռնէն մինչեւ Առաջին դրան տեղը, մինչեւ Անկիւնի դուռը, Անանայէլի աշտարակէն մինչեւ թագաւորին հնձանները։

Հոն պիտի բնակին, ու հոն անգա՛մ մըն ալ նզովք պիտի չըլլայ. Երուսաղէմ ապահովութեան մէջ պիտի ⁸մնայ։

Ահա՛ւասիկ այն պատուհասը, Որով Տէրը պիտի զարնէ բոլոր ժողովուրդները՝ Որոնք Երուսաղէմի դէմ պատերազմեցան.— Անոնց մարմինը պիտի ⁹մաշի՝ մինչ ոտքի վրայ կեցած են, Անոնց աչքերը իրենց խորշերուն մէջ պիտի մաշին, Անոնց լեզուն անոնց բերանին մէջ պիտի մաշի։

Այդ օրը անոնց մէջ Մեծ խռովութիւն պիտի ըլլայ Տէրոջմէն. Իրարու ձեռք պիտի բռնեն, Եւ իրարու դէմ ձեռք պիտի վերցնեն։

Յուդա ալ պիտի պայքարի Երուսաղէմի ¹⁰մէջ, Ու բոլոր շրջակայ ազգերուն ¹¹հարստութիւնը՝ Ոսկի, արծաթ եւ հագուստներ՝ մեծ առատութեամբ հոն պիտի հաւաքուի։

Ձիուն, ջորիին, ուղտին, իշուն, Եւ այդ բանակներուն մէջի բոլոր անասուններուն պատուհասը՝ Նոյն պատուհասին պէս պիտի ըլլայ։

Երուսաղէմի դէմ եկած բոլոր ազգերուն բոլոր մնացորդները Ամէն տարի պիտի բարձրանան Թագաւորին՝ զօրքերու Տէրոջ երկրպագելու, Եւ Տաղաւարներու տօնը կատարելու։

Երկրի գերդաստաններէն ո՛վ որ Երուսաղէմ չբարձրանայ Թագաւորին՝ զօրքերու Տէրոջ երկրպագելու, Անոր վրայ տեղատարափ պիտի չըլլայ։

Եթէ Եգիպտացիներուն գերդաստանը չբարձրանայ ու չգայ, (Որոնք անձրեւ չունին,) Անոնց վրայ պիտի ըլլայ այն պատուհասը, Որով Տէրը պիտի զարնէ այն ազգերը՝ Որոնք չեն բարձրանար Տաղաւարներու տօնը կատարելու։

Ասիկա պիտի ըլլայ Եգիպտոսի մեղքին պատիժը, Եւ Տաղաւարներու տօնը կատարելու չբարձրացող բոլոր ազգերուն մեղքին պատիժը։

Այդ օրը՝ ձիերուն ¹²երասանակներուն վրայ պիտի ¹³գրուի. «Տէրոջ ¹⁴ընծայուած», Եւ Տէրոջ տան մէջ՝ կաթսաները Զոհասեղանին առջեւի կոնքերուն պէս պիտի ըլլան։

Երուսաղէմի մէջ ու Յուդայի մէջ ամէն կաթսայ Զօրքերու Տէրոջ ընծայուած պիտի ըլլայ. Բոլոր զոհ մատուցանողները պիտի գան, Անոնցմէ պիտի առնեն եւ անոնց մէջ եփեն։ Այդ օրը ա՛լ ¹⁵վաճառական պիտի չըլլայ զօրքերու Տէրոջ տան մէջ։