Daniel 8

Ezekiel  «  Daniel 7  ‹  Daniel 8  ›  Daniel 9  »  Hosea

ԽՈՅԻՆ ԵՒ ՔՕՇԻՆ ՏԵՍԻԼՔԸ

«Բաղտասար թագաւորին թագաւորութեան երրորդ տարին, ինծի՝ Դանիէլի տեսիլք մը երեւցաւ, այն առաջին անգամ ինծի երեւցածէն ետք։

Տեսիլքին մէջ կը նայէի, ու մինչ կը նայէի՝ ահա՛ Եղամի գաւառին մէջ եղող Շուշան մայրաքաղաքն էի. տեսիլքին մէջ տեսայ թէ Ուլա գետին քով էի։

«Աչքերս վերցուցի ու նայեցայ, եւ ահա՛ գետին առջեւ խոյ մը կայնած էր. ան երկու եղջիւր ունէր։ Եղջիւրները բարձր էին, ու մէկը միւսէն բարձր էր. այդ բարձրը յետոյ ելաւ։

Տեսայ այդ խոյը՝ որ իր եղջիւրներով դէպի արեւմուտք, դէպի հիւսիս եւ դէպի հարաւ կը զարնէր, ու ո՛չ մէկ գազան կրնար անոր առջեւ կայնիլ։ Ո՛չ մէկը կարող էր անոր ձեռքէն ազատել, հապա ան իր կամքին համաձայն կը վարուէր, ու մեծցաւ։

«Երբ ¹ուշադրութեամբ կը նայէի՝՝, ահա՛ արեւմուտքէն այծերու քօշ մը եկաւ, եւ ամբողջ երկրի մակերեսին վրայէն անցաւ՝ առանց գետինին դպչելու. այս քօշը իր աչքերուն մէջտեղ ուշագրաւ եղջիւր մը ունէր։

Ան հասաւ մինչեւ երկու եղջիւր ունեցող խոյը, որ տեսեր էի՝ գետին առջեւ կայնած, եւ իր ոյժին ցասումով անոր վրայ ²յարձակեցաւ։

Տեսայ թէ խոյին մօտեցաւ, ու ³կատղելով անոր դէմ՝ խոյին զարկաւ եւ անոր երկու եղջիւրները կոտրեց։ Խոյը ոյժ չունէր՝ որ անոր ⁴դիմադրէր. ան զինք գետինը նետեց ու կոխկռտեց. ո՛չ մէկը կար, որ խոյը անոր ձեռքէն ազատէր։

Այծերու քօշը յոյժ մեծցաւ, բայց մինչ հզօր էր՝ մեծ եղջիւրը փշրուեցաւ, եւ անոր տեղ չորս ուշագրաւ եղջիւրներ բարձրացան՝ դէպի երկինքի չորս հովերը։

Անոնցմէ մէկէն փոքր եղջիւր մը դուրս ելաւ, եւ արտակարգօրէն մեծցաւ դէպի հարաւ, դէպի արեւելք, ու դէպի փառաւոր երկիրը։

Մինչեւ երկինքի զօրքը մեծցաւ, ու զօրքէն եւ աստղերէն մաս մը գետինը ձգեց ու զանոնք կոխկռտեց։

Ինքզինք մինչեւ զօրքերու ⁵Իշխանը մեծցուց, անոր մշտատեւ զոհը ⁶դադրեցուց եւ անոր սրբարանին ⁷վայրը ⁸կործանեց։

⁹Զօրք դրաւ մշտատեւ զոհին դէմ՝ յանցանքին պատճառով՝՝, ու ճշմարտութիւնը գետինը նետեց. իր ձեռնարկներուն մէջ յաջողեցաւ։

Այդ ատեն լսեցի թէ սուրբ մը կը խօսէր, եւ ուրիշ սուրբ մը այդ խօսողին ըսաւ. “Մինչեւ ե՞րբ պիտի տեւէ մշտատեւ զոհին ու աւերող յանցանքին տեսիլքը, եւ սրբարանն ու զօրքը կոխկռտուելու պիտի մատնուին”։

Ան ալ ինծի ըսաւ. “Մինչեւ երկու հազար երեք հարիւր ¹⁰օր, յետոյ սրբարանը պիտի ¹¹մաքրուի”»։

ԳԱԲՐԻԷԼ ՀՐԵՇՏԱԿԸ ԿԸ ԲԱՑԱՏՐԷ ՏԵՍԻԼՔԸ

«Երբ ես՝ Դանիէլ՝ տեսիլքը տեսայ, ու կը ¹²ջանայի մեկնութիւնը հասկնալ, ահա՛ դիմացս ¹³մարդու տեսքով մէկը կայնեցաւ։

Նաեւ Ուլա գետ ին մէջէն մարդու մը ձայնը լսեցի՝ որ կը գոչէր եւ կ’ըսէր.

“Ո՛վ Գաբրիէլ, տեսիլքը հասկցո՛ւր ատոր”։ Ան ալ իմ կեցած տեղիս մօտ եկաւ. երբ եկաւ, վախցայ ու երեսիս վրայ ինկայ, սակայն ինծի ըսաւ. “Հասկցի՛ր, մարդո՛ւ որդի, քանի այդ տեսիլքը վախճանի ատենուան համար է”»։

Մինչ ինծի հետ կը խօսէր, ես թմրած էի՝ երեսիս վրայ գետինը ինկած. ինծի դպաւ, զիս կեցած տեղս կայնեցուց,

եւ ըսաւ. “Ահա՛ քեզի կը գիտցնեմ ինչ որ պիտի ըլլայ սրտմտութեան վերջաւորութեան, որովհետեւ վախճանը սահմանուած ատենին պիտի հասնի։

Այն տեսած խոյդ, որ երկու ¹⁴եղջիւր ունէր՝՝, Մարաստանի եւ Պարսկաստանի թագաւորներն են։

Իսկ մազոտ քօշը՝ Յունաստանի թագաւորն է. անոր աչքերուն մէջտեղի մեծ եղջիւրը՝ առաջին թագաւորն է։

Անոր կոտրիլն ու իր տեղը չորս եղջիւրներու ելլելը կը նշանակէ թէ այդ ազգէն չորս թագաւորութիւն պիտի ելլէ, բայց ոչ անոր ոյժով։

Անոնց թագաւորութեան վերջաւորութեան, երբ ¹⁵ամբարիշտները իրենց ամբարշտութեան չափը լեցնեն, պնդերես ու ¹⁶խորագէտ թագաւոր մը պիտի ելլէ։

Անոր ¹⁷իշխանութիւնը պիտի զօրանայ, բայց ոչ իր ոյժով. ան ¹⁸ահաւոր կերպով պիտի կործանէ եւ իր ձեռնարկներուն մէջ պիտի յաջողի, պիտի կոտորէ հզօր մարդիկն ու սուրբերու ժողովուրդը։

Իր ուշիմութեամբ խաբէութիւնը պիտի յաջողցնէ իր ձեռքին մէջ. իր սիրտին մէջ պիտի ¹⁹հպարտանայ, ու ²⁰խաղաղութեան մէջ շատերը պիտի կոտորէ. ²¹իշխաններու Իշխանին՝՝ ²²պիտի ընդդիմանայ՝՝, բայց առանց ձեռքի պիտի ջախջախուի։

Իրիկուան եւ առտուան տեսիլքը՝ որ հաղորդուեցաւ, ճշմարիտ է. բայց դուն ²³գոցէ՛ տեսիլքը, որովհետեւ հեռաւոր ժամանակներու համար է”։

«Ես՝ Դանիէլ ²⁴թալկացայ, եւ քանի մը օր հիւանդացայ։ Յետոյ կանգնեցայ, ու թագաւորին գործերը կատարեցի։ Սակայն տեսիլքին համար ապշութեան մէջ էի. ո՛չ մէկը կար՝ որ ինծի ²⁵հասկցնէր՝՝»։