Ezekiel 18

Lamentations  «  Ezekiel 17  ‹  Ezekiel 18  ›  Ezekiel 19  »  Daniel

Դարձեալ ¹Տէրը խօսեցաւ՝՝ ինծի՝ ըսելով.

«Ի՞նչ կը նշանակէ ձեզի սա՛ առածը՝ որ դուք Իսրայէլի ²երկրին ³մէջ կ’ըսէք. “Հայրերը ազոխ կերան, եւ որդիներո՛ւն ակռաները ⁴առին”։

Ես կ’ապրի՛մ,— կը պատգամէ Տէրը՝ Եհովան.— Իսրայէլի մէջ այս առածը անգա՛մ մըն ալ պիտի չըսէք։

Ահա՛ բոլոր անձերը իմս են. ինչպէս հօր անձը իմս է, նոյնպէս ալ որդիին անձը։ Այն անձը որ կը մեղանչէ, անիկա՛ պիտի մեռնի։

Իսկ եթէ մարդ մը արդար ըլլայ, իրաւունք եւ արդարութիւն կիրարկէ,

լեռներու վրայ չուտէ եւ աչքերը դէպի Իսրայէլի տան չաստուածները չվերցնէ, իր ընկերին կինը չպղծէ ու ⁵դաշտանի մէջ եղող կնոջ մը չմերձենայ,

ո՛չ մէկը կեղեքէ, պարտականին գրաւը վերադարձնէ, ոչինչ բռնագրաւելով յափշտակէ, իր հացը անօթիին տայ եւ մերկը հագուստով ծածկէ,

դրամը վաշխով չտայ ու տոկոս չառնէ, իր ձեռքը անիրաւութենէ ետ ⁶քաշէ եւ ⁷մարդոց միջեւ ⁸արդար դատաստան կիրարկէ,

իմ կանոններովս ընթանայ ու որոշումներս պահէ՝ ճշմարտութեամբ վարուելով, անիկա արդար է. անշո՛ւշտ պիտի ապրի», կը պատգամէ Տէրը՝ Եհովան։

«Բայց եթէ անիկա ⁹անօրէն եւ արիւնահեղ որդի մը ծնանի, որ ասոնց նման որեւէ բան ընէ,

եւ այն լաւ բաներէն ո՛չ մէկը ընէ, հապա լեռներու վրայ ուտէ եւ իր ընկերին կինը պղծէ,

դժբախտն ու աղքատը կեղեքէ, բան մը բռնագրաւելով յափշտակէ, գրաւը չվերադարձնէ, եւ իր աչքերը չաստուածներուն վերցնելով՝ գարշութիւն գործէ,

վաշխով դրամ տայ ու տոկոս առնէ, միթէ ան պիտի ապրի՞. պիտի չապրի։ Քանի այս բոլոր գարշութիւնները գործեց, անշո՛ւշտ պիտի մեռնի. անոր արիւնը իր վրայ պիտի ըլլայ։

«¹⁰Իսկ եթէ ան որդի մը ծնանի, որ իր հօր գործած բոլոր մեղքերը տեսնելով՝ ¹¹ուշադրութիւն դարձնէ՝՝ ու զանոնք չգործէ,

լեռներու վրայ չուտէ եւ իր աչքերը դէպի Իսրայէլի տան չաստուածները չվերցնէ, իր ընկերին կինը չպղծէ,

ո՛չ մէկը կեղեքէ, գրաւը չպահէ, ոչինչ բռնագրաւելով յափշտակէ, իր հացը անօթիին տայ ու մերկը հագուստով ծածկէ,

դժբախտին անիրաւութիւն ընելէն իր ձեռքը ետ քաշէ, վաշխ եւ տոկոս չառնէ, իմ որոշումներս կիրարկէ ու կանոններովս ընթանայ, անիկա իր հօր անօրէնութեան համար պիտի չմեռնի. անշո՛ւշտ պիտի ապրի։

Բայց իր հայրը, քանի չափազանց հարստահարեց, իր եղբօրմէն բան մը բռնագրաւելով յափշտակեց, եւ իր ժողովուրդին մէջ ըրաւ ինչ որ լաւ չէ, ահա՛ իր անօրէնութեան մէջ պիտի մեռնի։

«Սակայն պիտի ըսէք. “Ինչո՞ւ որդին իր հօր անօրէնութեան պատիժը պիտի չկրէ”։ Քանի որդին իրաւունք եւ արդարութիւն կիրարկեց, իմ բոլոր կանոններս պահեց ու զանոնք գործադրեց, անշուշտ պիտի ապրի։

Այն անձը որ կը մեղանչէ, անիկա՛ պիտի մեռնի. որդին հօրը անօրէնութեան պատիժը պիտի չկրէ, հայրն ալ որդիին անօրէնութեան պատիժը պիտի չկրէ. արդարին արդարութիւնը իր վրայ պիտի ըլլայ, եւ ամբարիշտին ամբարշտութիւնը իր վրայ պիտի ըլլայ։

Իսկ եթէ ամբարիշտը իր գործած բոլոր մեղքերէն հեռանայ, իմ բոլոր կանոններս պահէ, ու իրաւունք եւ արդարութիւն կիրարկէ, ան անշուշտ պիտի ապրի. պիտի չմեռնի։

Անոր գործած բոլոր յանցանքները իրեն դէմ պիտի չյիշուին, հապա ան իր կիրարկած արդարութեամբ պիտի ապրի։

Արդեօք ես կ’ախորժի՞մ որ ամբարիշտը մեռնի,— կը պատգամէ Տէրը՝ Եհովան.— միթէ չե՞մ ուզեր որ ան իր ճամբայէն հեռանայ եւ ապրի։

Բայց եթէ արդարը իր արդարութենէն ¹²հրաժարի եւ ամբարիշտին գործած բոլոր գարշութիւններուն պէս անիրաւութիւն գործէ, պիտի ապրի՞։ Անոր կիրարկած ամբողջ արդարութիւնը պիտի չյիշուի. ան իր ըրած ուխտազանցութեան ու գործած մեղքին պատճառով պիտի մեռնի։

«Դուք կ’ըսէք. “Տէրոջ ¹³ճամբան ¹⁴ուղիղ չէ”։ Ուրեմն մտի՛կ ըրէք, ո՛վ Իսրայէլի տունը. միթէ ի՞մ ճամբաս ուղիղ չէ։ Ձե՛ր ճամբաները չե՞ն ուղիղ չեղողները։

Երբ արդարը իր արդարութենէն հրաժարի եւ անիրաւութիւն գործէ, ու ատոր մէջ մեռնի, ան իր գործած անիրաւութեան համար կը մեռնի։

Իսկ երբ ամբարիշտը իր գործած ամբարշտութենէն հրաժարի, ու իրաւունք եւ արդարութիւն կիրարկէ, ան իր անձը ողջ պիտի պահէ։

Արդարեւ ան ¹⁵ուշադրութիւն դարձուց՝՝, եւ իր գործած բոլոր յանցանքներէն հրաժարեցաւ. ուստի անշուշտ պիտի ապրի, պիտի չմեռնի։

«Բայց Իսրայէլի տունը կ’ըսէ. “Տէրոջ ճամբան ուղիղ չէ”։ Ո՛վ Իսրայէլի տունը, միթէ ի՞մ ճամբաներս ուղիղ չեն։ Ձե՛ր ճամբաները չե՞ն ուղիղ չեղողները։

Հետեւաբար, ո՛վ Իսրայէլի տունը, ձեզմէ իւրաքանչիւրը իր ճամբաներուն համեմատ պիտի դատեմ,— կը պատգամէ Տէրը՝ Եհովան։— Դարձի՛ եկէք ու հեռացէ՛ք ձեր բոլոր յանցանքներէն, որպէսզի անօրէնութիւնը ¹⁶ձեր կորուստին պատճառ՝՝ չըլլայ։

Ձեզմէ նետեցէ՛ք ձեր գործած բոլոր յանցանքները, եւ ձեզի նո՛ր սիրտ ու նո՛ր հոգի ¹⁷ստացէք. ինչո՞ւ մեռնիք, ո՛վ Իսրայէլի տունը։

Արդարեւ մեռնողին մահէն չեմ ախորժիր,— կը պատգամէ Տէրը՝ Եհովան.— ուստի դարձի՛ եկէք եւ ապրեցէ՛ք»։