Ezekiel 33
Lamentations « Ezekiel 32 ‹ Ezekiel 33 › Ezekiel 34 » Daniel
ԱՍՏՈՒԱԾ ՊԱՀԱՊԱՆ ԿԸ ԿԱՐԳԷ ԵԶԵԿԻԷԼԸ (Եզեկ. 3. 16-21)
1Դարձեալ 1Տէրը խօսեցաւ՝՝ ինծի՝ ըսելով.
2«Մարդո՛ւ որդի, խօսէ՛ քու ժողովուրդիդ որդիներուն ու ըսէ՛ անոնց. “Եթէ երկրի մը վրայ սուր բերեմ, եւ այդ երկրին ժողովուրդը իր 2մէջէն մարդ մը 3ընտրէ ու զայն իրենց համար դէտ կարգէ,
3երբ ան այդ երկրին վրայ սուրին գալը տեսնելով՝ շեփորը հնչեցնէ եւ ժողովուրդը զգուշացնէ,
4եթէ շեփորին ձայնը լսողը չզգուշանայ ու սուրը գայ եւ զայն տանի, անոր արիւնը իր գլուխը պիտի ըլլայ։
5Ան շեփորին ձայնը լսեց ու չզգուշացաւ, անոր արիւնը իր վրայ պիտի ըլլայ. բայց զգուշացողը իր անձը պիտի ազատէ։
6Իսկ եթէ դէտը սուրին գալը տեսնելով՝ շեփորը չհնչեցնէ եւ ժողովուրդը չզգուշանայ, ու սուրը գայ եւ անոնցմէ անձ մը տանի, ան իր անօրէնութեան համար տարուեցաւ. բայց անոր արիւնը դէտին ձեռքէն պիտի պահանջեմ”։
7«Ուստի դո՛ւն, ո՛վ մարդու որդի, քեզ դէտ կարգեցի Իսրայէլի տան, որ իմ բերանէս խօսք լսես եւ իմ կողմէս զանոնք զգուշացնես։
8Երբ ամբարիշտին ըսեմ. “Ո՛վ ամբարիշտ, անշուշտ պիտի մեռնիս”, բայց դուն չխօսիս ամբարիշտը իր 4ընթացքէն զգուշացնելու համար, այդ ամբարիշտը իր անօրէնութեան մէջ պիտի մեռնի, բայց անոր արիւնը քու ձեռքէդ պիտի պահանջեմ։
9Իսկ եթէ դուն ամբարիշտը իր ընթացքէն զգուշացնես՝ որպէսզի անկէ հեռանայ, բայց ան իր ընթացքէն չհեռանայ, ան իր անօրէնութեան մէջ պիտի մեռնի, սակայն դուն անձդ ազատած պիտի ըլլաս»։
ԱՆՀԱՏԱԿԱՆ ՊԱՏԱՍԽԱՆԱՏՈՒՈՒԹԻՒՆ
10«Դո՛ւն, մարդո՛ւ որդի, ըսէ՛ Իսրայէլի տան. “Դուք սա՛ կ’ըսէք. "Մեր յանցանքներն ու մեղքերը մեր վրայ են, եւ մենք 5անոնցմէ կը մաշինք. ուրեմն ի՞նչպէս պիտի ապրինք"”։
11Ըսէ՛ անոնց. “Ես կ’ապրի՛մ,— կը պատգամէ Տէրը՝ Եհովան.— ամբարիշտին մահէն չեմ ախորժիր, հապա կ’ուզեմ որ ամբարիշտը իր ընթացքէն հեռանայ եւ ապրի։ Հեռացէ՛ք, հեռացէ՛ք ձեր վատ ընթացքէն. ինչո՞ւ մեռնիք, ո՛վ Իսրայէլի տունը”։
12«Դո՛ւն, մարդո՛ւ որդի, ըսէ՛ ժողովուրդիդ որդիներուն. “Արդարին արդարութիւնը՝ անոր յանցանք գործած օրը զայն պիտի չազատէ, եւ ամբարիշտին ամբարշտութիւնը՝ իր ամբարշտութենէն հեռացած օրը 6գայթումի պատճառ պիտի չըլլայ՝՝. ո՛չ ալ արդարը մեղանչած օրը իր արդարութեամբ պիտի կարենայ ապրիլ”։
13Երբ ես արդարին ըսեմ թէ անշուշտ պիտի ապրի, բայց ան իր արդարութեան վստահելով անիրաւութիւն գործէ, անոր ամբողջ արդարութիւնը պիտի չյիշուի, հապա ան իր գործած անիրաւութեան մէջ պիտի մեռնի։
14Իսկ երբ ամբարիշտին ըսեմ. “Դուն անշուշտ պիտի մեռնիս,” եւ ան իր մեղքէն հեռանայ ու իրաւունք եւ արդարութիւն կիրարկէ,
15եթէ այդ ամբարիշտը գրաւը վերադարձնէ, յափշտակածը հատուցանէ, եւ անիրաւութիւն չգործելով՝ կեանքի կանոններուն համեմատ ընթանայ, ան անշուշտ պիտի ապրի, պիտի չմեռնի։
16Անոր գործած բոլոր մեղքերէն ո՛չ մէկը պիտի յիշուի իրեն դէմ. ան իրաւունք եւ արդարութիւն կիրարկեց, անշուշտ պիտի ապրի։
17«Քու ժողովուրդիդ որդիները կ’ըսեն. “Տէրոջ 7ճամբան 8ուղիղ չէ”. սակայն իրե՛նց ճամբան է որ ուղիղ չէ։
18Երբ արդարը իր արդարութենէն հեռանայ եւ անիրաւութիւն գործէ, ինք անոր մէջ պիտի մեռնի։
19Իսկ երբ ամբարիշտը իր ամբարշտութենէն հեռանայ, ու իրաւունք եւ արդարութիւն կիրարկէ, ինք անոնցմով պիտի ապրի.
20մինչդեռ դուք կ’ըսէք. “Տէրոջ ճամբան ուղիղ չէ”։ Ես ձեզմէ իւրաքանչիւրը իր 9ճամբաներուն համեմատ պիտի դատեմ, ո՛վ Իսրայէլի տունը»։
ԵՐՈՒՍԱՂԷՄԻ ԱՆԿՈՒՄԻՆ ԼՈՒՐԸ
21Մեր տարագրութեան տասներկրորդ տարին, տասներորդ ամսուան հինգերորդ օրը, Երուսաղէմէն ազատած մը ինծի եկաւ եւ ըսաւ. “Քաղաքը 10գրաւուեցաւ”։
22Դեռ այդ ազատածը չեկած, իրիկունը՝ Տէրոջ ձեռքը իմ վրաս եղած էր, ու բերանս բացած էր մինչեւ անոր ինծի գալը՝ առտուն. ուստի բերանս բացուեցաւ, եւ ա՛լ համր չէի։
ԺՈՂՈՎՈՒՐԴԻՆ ՄԵՂՔԵՐԸ
2311Տէրը խօսեցաւ՝՝ ինծի՝ ըսելով.
24«Մարդո՛ւ որդի, Իսրայէլի 12երկրին այս աւերակներուն բնակիչները կ’ըսեն. “Աբրահամ մէ՛կ մարդ էր, ու երկրին տիրացաւ. մենք՝ որ բազմաթիւ ենք, մեզի՛ տրուած է երկիրը իբր ստացուածք”։
25Հետեւաբար ըսէ՛ անոնց. “Տէրը՝ Եհովան սա՛ կը յայտարարէ. "Դուք միսը արիւնով կ’ուտէք, ձեր աչքերը ձեր չաստուածներուն կը վերցնէք, եւ արիւն կը թափէք. միթէ պիտի տիրանա՞ք այդ երկրին։
26Ձեր սուրերուն վրայ կը 13կռթնիք, գարշութիւն կը գործէք, ձեզմէ իւրաքանչիւրը իր ընկերին կինը կը պղծէ. միթէ պիտի տիրանա՞ք այդ երկրին"”։
27Անոնց սա՛ ըսէ. “Տէրը՝ Եհովան սա՛ կը յայտարարէ. "Ես կ’ապրի՛մ. աւերակներուն մէջ եղողները սուրով պիտի իյնան. ա՛ն որ 14բաց դաշտի մէջ՝՝ է՝ գազաններուն պիտի մատնեմ, որ զինք լափեն. իսկ ամրութիւններուն ու քարայրներուն մէջ եղողները ժանտախտով պիտի մեռնին։
28Երկիրը բոլորովին ամայի պիտի դարձնեմ, եւ անոր զօրութեան ամբարտաւանութիւնը պիտի 15ոչնչանայ։ Իսրայէլի լեռներն ալ ամայի պիտի ըլլան, ու ո՛չ մէկը անկէ պիտի անցնի։
29Երբ երկիրը բոլորովին ամայի դարձնեմ իրենց գործած բոլոր գարշութիւններուն համար, պիտի գիտնան թէ ե՛ս եմ Տէրը"”»։
ՄԱՐԳԱՐԷԻՆ ՊԱՏԳԱՄԻՆ ԱՐԴԻՒՆՔՆԵՐԸ
30«Դո՛ւն, մարդո՛ւ որդի, ժողովուրդիդ որդիները պատերուն քով ու տուներուն մուտքերը քու մասիդ կը խօսակցին։ Իրարու հետ կը խօսին — իւրաքանչիւրը իր եղբօր հետ — եւ կ’ըսեն. “Այժմ եկէ՛ք ու լսեցէ՛ք թէ ի՛նչ է Տէրոջմ էն 16եկած խօսքը”։
31Անոնք քեզի կու գան՝ ինչպէս ժողովուրդը կու գայ, քու առջեւդ կը նստին՝ իմ ժողովուրդիս պէս, եւ քու խօսքերդ կը լսեն, բայց զանոնք չեն գործադրեր. արդարեւ իրենց բերանով 17հաճելի խօսքեր կ՛արտասանեն՝՝, բայց իրենց սիրտը իրենց ագահութեան կը հետեւի։
32Ահա՛ դուն անոնց՝ քաղցրաձայն ու հմուտ նուագահարի մը 18ախորժելի երգին պէս ես. քու խօսքերդ կը լսեն, բայց զանոնք չեն գործադրեր։
33Սակայն երբ ասիկա իրագործուի, (ահա՛ կ’իրագործուի,) այն ատեն պիտի գիտնան թէ իրենց մէջ մարգարէ մը կար»։