Isaiah 7

Song of Solomon  «  Isaiah 6  ‹  Isaiah 7  ›  Isaiah 8  »  Jeremiah

ՊԱՏԳԱՄ ՄԸ ՈԶԻԱ ԹԱԳԱՒՈՐԻՆ

Յուդայի թագաւորին՝ Ոզիայի որդիին՝ Յովաթամի որդիին՝ Աքազի օրերը, Սուրիայի Ռասին թագաւորն ու Իսրայէլի թագաւորը — Ռովմելայի որդին՝ Փակէէ — Երուսաղէմ բարձրացան՝ անոր դէմ պատերազմելու. բայց չկրցան անոր դէմ պայքարիլ։

Երբ Դաւիթի տան հաղորդուեցաւ թէ Սուրիա ¹Եփրեմի հետ դաշնակցեցաւ՝՝, անոր սիրտը եւ անոր ժողովուրդին սիրտը ցնցուեցաւ, ինչպէս անտառին ծառերը հովէն կը ցնցուին։

Ուստի Տէրը Եսայիի ըսաւ. «Հիմա դո՛ւրս ելիր Աքազը դիմաւորելու, դուն ու որդիդ՝ ²Սէար- Յասուբ, վերի աւազանին ջրմուղին եզերքը՝ ³Թափիչին արտին պողոտային վրայ,

եւ ըսէ՛ անոր. “Զգուշացի՛ր որ հանդարտ ⁴մնաս. Մի՛ վախնար ու թուլասիրտ մի՛ ըլլար Այս երկու մխացող ⁵խանձողի ⁶ծայրերէն, Այսինքն՝ Ռասինի ու Սուրիայի Եւ Ռովմելայի որդիին բորբոքած բարկութենէն։

Քանի Սուրիա, Եփրեմ ու Ռովմելայի որդին Քու մասիդ չար ծրագիր ունեցան եւ ըսին.

"Յուդայի դէմ բարձրանա՛նք ու զայն ահաբեկե՛նք Զայն մեզի ⁷հպատակեցնենք՝՝, Յետոյ անոր մէջ Տաբէէլի որդին թագաւո՛ր նշանակենք",

Տէրը՝ Եհովան սա՛ կը յայտարարէ. "⁸Այս ծրագիրը՝՝ պիտի չհաստատուի ու ⁹չկատարուի։

Արդարեւ Սուրիայի գլուխը Դամասկոս է, Եւ Դամասկոսի գլուխը Ռասին է. Վաթսունհինգ տարուան մէջ Եփրեմ պիտի կոտորուի, ա՛լ ժողովուրդ պիտի չըլլայ.

Եփրեմի գլուխը Սամարիա է, Ու Սամարիայի գլուխը Ռովմելայի որդին է. Եթէ չհաւատաք, ¹⁰հաստատուն պիտի չըլլաք"”»։

ԷՄՄԱՆՈՒԷԼԻՆ ՆՇԱՆԸ

Տէրը դարձեալ խօսեցաւ Աքազի եւ ըսաւ.

«Տէրոջմէն՝ քու Աստուծմէդ նշա՛ն մը խնդրէ քեզի համար. Խորութեա՛ն մէջ խնդրէ, կամ վերի բարձրութեան մէջ»։

Բայց Աքազ ըսաւ. «Չեմ խնդրեր, ու Տէրը չեմ փորձեր»։

Այն ատեն ան ըսաւ. «Ուրեմն լսեցէ՛ք, ո՛վ Դաւիթի տունը. Քի՞չ բան ¹¹կը թուի՝՝ ձեզի մարդիկ ձանձրացնել, Որ իմ Աստուածս ալ պիտի ձանձրացնէք։

Ուստի Տէրը ի՛նք նշան մը պիտի տայ ձեզի. Ահա՛ ¹²կոյսը պիտի յղանայ ու որդի պիտի ծնանի, Եւ անոր անունը Էմմանուէլ պիտի կոչէ։

Ան կոգի ու մեղր պիտի ուտէ, Մինչեւ որ գիտնայ չարը մերժել եւ բարին ընտրել։

Արդարեւ տղան չարը մերժելն ու բարին ընտրելը գիտնալէն առաջ՝ Պիտի լքուի այն ¹³երկիրը՝ Որուն երկու թագաւորներէն դուն կ’ահաբեկիս։

Տէրը քու վրադ, քու ժողովուրդիդ վրայ Եւ քու հօրդ տան վրայ այնպիսի օրեր պիտի բերէ, Որ Եփրեմի Յուդայէն հեռացած օրէն ի վեր եկած չեն, Այսինքն՝ Ասորեստանի թագաւորը»։

Այդ օրը Տէրը պիտի սուլէ Եգիպտոսի գետերուն ծայրը եղած ճանճերուն Եւ Ասորեստանի երկրին մէջ եղած մեղուներուն,

Բոլորն ալ պիտի գան ու ¹⁴բանակին Ամայի ձորերուն եւ ժայռերու ծակերուն մէջ, Բոլոր թուփերուն ու բոլոր մարգագետիններուն վրայ։

Այդ օրը Տէրը՝ վարձուած ածելիով, Այսինքն՝ Եփրատ գետին միւս կողմը եղող Ասորեստանի թագաւորով, Գլուխն ու ոտքերուն մազը պիտի ածիլէ. Մօրուքն ալ բոլորովին ¹⁵պիտի սափրէ՝՝։

Այդ օրը՝ մարդ մը, Մէկ երինջ ու երկու ոչխար պահելով,

Անոնց տուած կաթին առատութենէն կոգի պիտի ուտէ, Որովհետեւ երկրին մէջ բոլոր մնացողները Կոգի ու մեղր պիտի ուտեն։

Եւ այդ օրը, Ամէն տեղ ուր հազար որթատունկ կար՝ հազար սիկղ արծաթի արժէքով, Ցախերով ու փուշերով պիտի լեցուի։

Նետերով եւ աղեղներով հոն պիտի գան, Որովհետեւ ամբողջ երկիրը ցախերով ու փուշերով պիտի լեցուի.

Եւ այն բոլոր լեռները՝ որ բրիչով կը բրուէին, ¹⁶Ցախի ու փուշի վախը հոն պիտի չերթայ. Արջառներու ¹⁷արօտ եւ ոչխարներու կոխան պիտի ըլլան։