Isaiah 10

Song of Solomon  «  Isaiah 9  ‹  Isaiah 10  ›  Isaiah 11  »  Jeremiah

Վա՜յ անոնց՝ որ անօրէն կանոններ կը դնեն, Եւ ¹անիրաւ որոշումներ կու տան՝՝,

Որպէսզի չքաւորներուն դատը ծռեն, Եւ իմ ժողովուրդիս դժբախտներուն իրաւունքը յափշտակեն. Որպէսզի այրիները իրենց աւար ըլլան, Ու որբերը կողոպտեն։

Ուրեմն ի՞նչ պիտի ընէք ²պատիժի օրը, Եւ հեռուէն գալիք աւերումին ատենը. Օգնութեան համար որո՞ւ պիտի դիմէք, Ու ձեր փառքը ո՞ւր պիտի թողուք։

Առանց ինծի՝ բանտարկեալներուն ³մէջ պիտի ծռին, Եւ ջարդուածներուն մէջ պիտի իյնան։ Հակառակ այս բոլորին՝ անոր բարկութիւնը չկասեցաւ, Հապա անոր ձեռքը տակաւին երկարած է։

ԱՍՈՐԵՍՏԱՆԻ ԹԱԳԱՒՈՐԸ՝ ԱՍՏՈՒԾՈՅ ԳՈՐԾԻՔ

Վա՜յ Ասորեստանի թագաւորին՝ որ իմ բարկութեանս ցուպը եղաւ, Եւ որուն ձեռքի գաւազանը իմ սրտմտութիւնս է։

⁴Կեղծաւոր ազգի մը դէմ պիտի ղրկեմ զայն, Ու ⁵զիս զայրացնող՝՝ ժողովուրդին դէմ պատուէր պիտի տամ անոր՝ Որ աւարը յափշտակէ եւ կողոպուտը գրաւէ, Ու զանոնք փողոցներուն ⁶ցեխին պէս կոխկռտէ։

Բայց ինք այդպէս չի ⁷խորհիր, Իր սիրտով այդպէս չի մտածեր. Հապա ⁸կը մտադրէ՝՝ որ բնաջնջէ, Եւ շատ ազգեր կոտորէ,

Որովհետեւ կ’ըսէ. «Միթէ իմ իշխանաւորներս բոլորն ալ թագաւորներ չե՞ն.

Քաղանէ Քարքամիսի պէս չէ՞. Եմաթ Արփաթի պէս չէ՞. Սամարիա Դամասկոսի պէս չէ՞։

Քանի իմ ձեռքս ⁹տիրեց կռապաշտ թագաւորութիւններուն՝՝, Որոնց ¹⁰կուռքերը Երուսաղէմի ու Սամարիայի կուռքերէն աւելի շատ էին,

Միթէ Երուսաղէմի եւ անոր կուռքերուն ալ պիտի չընե՞մ Ինչ որ Սամարիայի ու անոր չաստուածներուն ըրի»։

Երբ Տէրը Սիոն լերան վրայ Ու Երուսաղէմի մէջ իր ամբողջ գործը լրացնէ, Ես պիտի ¹¹պատժեմ Ասորեստանի թագաւորին մեծամիտ սիրտին պտուղը, Եւ անոր գոռոզ աչքերուն պարծանքը.

Արդարեւ ան կ’ըսէ. «Ես ի՛մ ձեռքիս ոյժով Եւ ի՛մ իմաստութեամբս ըրի ասիկա, Որովհետեւ ես խելացի եմ։ Ժողովուրդներուն սահմանները վերցուցի, Անոնց գանձերը կողոպտեցի, Ու հզօրի պէս բնակիչները նուաճեցի։

Ի՛մ ձեռքս ժողովուրդներուն ¹²հարստութիւնը բոյնի պէս գտաւ. Ամբողջ ¹³երկրագունդը ժողվեցի, Ինչպէս մէկը կը ժողվէ լքուած հաւկիթները, Եւ ո՛չ մէկը թեւը շարժեց, Կամ կտուցը բացաւ, կամ ճըւճըւաց»։

Միթէ տապարը իրմով տաշող մարդուն դէմ կը ¹⁴պարծենա՞յ՝՝, Կամ սղոցը զինք գործածողին դէմ ¹⁵կը հպարտանա՞յ՝՝. Որպէս թէ ցուպը զինք վերցնողները ¹⁶շարժէր, Կամ թէ գաւազանը բարձրացնէր ա՛ն՝ որ փայտ չէ։

Հետեւաբար Տէրը՝ զօրքերու Տէրը՝ ¹⁷Գէր մարդոց նիհարութիւն պիտի ղրկէ, Ու անոր փառքին տակ հրդեհ մը պիտի վառէ՝ Բորբոքած հրդեհի պէս։

Իսրայէլի Լոյսը կրակ պիտի ըլլայ, Եւ անոր Սուրբը՝ բոց։ Մէկ օրուան մէջ անոր փուշերն ու ցախերը Այրելով պիտի սպառէ։

Անոր անտառին ու բարեբեր արտին փառքը, Անձն ու մարմինը, պիտի ¹⁸հատցնէ, Եւ ան ¹⁹ծիւրող հիւանդի՝՝ պէս պիտի ըլլայ։

Անոր անտառին մէջ մնացած ծառերը քիչ պիտի ըլլան, Այնպէս որ ²⁰մանուկ մը պիտի կարենայ զանոնք արձանագրել։

ՈՄԱՆՔ ՊԻՏԻ ՎԵՐԱԴԱՌՆԱՆ

Այդ օրը՝ Իսրայէլի մնացորդը Ու Յակոբի տան ազատուածները Անգա՛մ մըն ալ պիտի ²¹չապաւինին զիրենք զարնողին, Հապա ճշմարտութեամբ պիտի ապաւինին Տէրոջ՝ Իսրայէլի Սուրբին.

Մնացորդը՝ Յակոբի մնացորդը՝ Հզօր Աստուծոյն պիտի վերադառնայ։

Արդարեւ քու ժողովուրդդ, ո՛վ Իսրայէլ, թէեւ ծովու աւազին չափ ըլլայ, Միայն անոնցմէ մնացորդ մը պիտի վերադառնայ։ Վճռուած ²²բնաջնջումը արդարութեամբ պիտի յորդի,

Որովհետեւ զօրքերու Տէրը՝ Եհովան՝ ամբողջ երկրին մէջ Վճռուած բնաջնջում մը պիտի իրագործէ։

ՏԷՐԸ ՊԻՏԻ ՊԱՏԺԷ ԱՍՈՐԵՍՏԱՆՑԻՆԵՐԸ

Հետեւաբար զօրքերու Տէրը՝ Եհովան սա՛ կը յայտարարէ. «Ո՛վ Սիոնի մէջ բնակող ժողովուրդս, Մի՛ վախնար Ասորեստանցիէն. Ան քեզ ցուպով պիտի զարնէ, Եւ իր գաւազանը քու վրադ պիտի վերցնէ՝ ²³Եգիպտացիներուն նման՝՝։

Բայց շատ քիչ ժամանակի մէջ իմ սրտմտութիւնս պիտի ²⁴դադրի, Ու բարկութիւնս զանոնք պիտի կործանէ։

Զօրքերու Տէրը անոր վրայ խարազան մը պիտի ²⁵վերցնէ՝ Մադիամի հարուածին պէս՝ Օրէբի վէմին քով. Իր գաւազանը ծովուն վրայ պիտի վերցնէ, Ինչպէս ըրաւ Եգիպտոսի ²⁶մէջ։

Այդ օրը՝ անոր բեռը քու ուսէդ պիտի վերցուի, Եւ անոր լուծը՝ քու վիզէդ. Լուծը պիտի ²⁷կոտրի ²⁸օծումին պատճառով՝՝»։

ԱՍՊԱՏԱԿՈՂԸ ԿԸ ՅԱՐՁԱԿԻ

Անգէ քաղաքը հասաւ, Մագրոն անցաւ, Եւ իր գոյքերը Մաքմասի մէջ տեղաւորեց։

Անցքէն անցան, Գաբայի մէջ ²⁹իջեւանեցան. Ռամա սարսռաց, Սաւուղի Գաբաան փախաւ։

³⁰Ձայնդ բարձրացո՛ւր՝՝, ո՛վ Գաղղիմի աղջիկ. Ուշադի՛ր եղիր, ո՛վ Լայիս. ³¹ո՛վ դժբախտ Անաթովթ՝՝։

Մադմենա ³²հեռացաւ, Գեբեմի բնակիչները փախան։

Տակաւին ³³օր մը՝՝ Նոբի մէջ պիտի կենայ, Ձեռքը պիտի ³⁴շարժէ Դէպի Սիոնի աղջիկին լեռը, Երուսաղէմի բլուրը։

Ահա՛ զօրքերու Տէրը՝ Եհովան ³⁵Սաստկութեամբ պիտի կոտրէ գեղեցիկ շառաւիղները. Բարձրահասակները պիտի կտրուին, Եւ խրոխտները պիտի նուաստանան։

Ան անտառին թաւուտները երկաթով պիտի ³⁶կտրէ, Ու Լիբանան ³⁷Հզօրին ձեռքով պիտի իյնայ։