Isaiah 15
Song of Solomon « Isaiah 14 ‹ Isaiah 15 › Isaiah 16 » Jeremiah
ԱՍՏՈՒԱԾ ՊԻՏԻ ԿՈՐԾԱՆԷ ՄՈՎԱԲԸ
1Մովաբի պատգամը.— Ի՛րապէս Մովաբի Ար քաղաքը գիշերուան մէջ կործանեցաւ եւ անէացաւ. Ի՛րապէս Մովաբի Կիր քաղաքը գիշերուան մէջ կործանեցաւ եւ անէացաւ։
2Ան տաճարը եւ Դեբոն բարձրացաւ, Բարձր տեղերը՝ լալու համար։ Մովաբ Նաբաւի ու Մեդաբայի համար պիտի գոռայ. Անոր բոլոր գլուխները պիտի կնտուին, Ամէն մօրուք պիտի կտրուի։
3Անոր փողոցներուն մէջ 1քո՛ւրձ պիտի հագնին՝՝, Անոր տանիքներուն վրայ ու հրապարակներուն մէջ՝ Բոլորը պիտի գոռան եւ 2լան։
4Եսեբոն ու Եղէաղէ պիտի աղաղակեն, Անոնց ձայնը մինչեւ Յասսա պիտի լսուի. Հետեւաբար Մովաբի զինեալները պիտի գոչեն, Իրենց անձը պիտի 3սարսռայ։
5Իմ սիրտս Մովաբի համար պիտի աղաղակէ. Անոր փախստականները պիտի փախչին մինչեւ Սեգովր, 4Եգղա-Սելիսիա՝՝, Քանի որ Ղուիթի զառիվերէն լալով պիտի ելլեն, Ու Որոնայիմի ճամբան փլուզումի աղաղակ պիտի բարձրացնեն։
6Արդարեւ Նեմերիմի ջուրերը պիտի ամայանան, Որովհետեւ խոտը կը չորնայ, դալարը կը հատնի, Ու կանաչութիւն չի մնար։
7Հետեւաբար իրենց վաստկած 5հարստութիւնը Եւ իրենց պահեստը Ուռիներուն ձորը պիտի տանին,
8Քանի որ աղաղակը շրջապատեց Մովաբի հողամասը. Անոր գոռումը մինչեւ Եգլայիմ, Անոր գոռումը մինչեւ Բերելիմ հասաւ։
9Արդարեւ Դեմոնի ջուրերը արիւնով պիտի լեցուին, Քանի որ Դեմոնի վրայ աւելի չարիք պիտի ղրկեմ, Առիւծներ՝ Մովաբէն ազատուածներուն Ու 6երկրին մնացորդին վրայ։